Julie Bonifacio - @Winner | November 28, 2020
Back-to-back ang post ng It's Showtime host na si Jhong Hilario at ng kanyang non-showbiz partner na si Maia Leviste Azores ng side view shot nila habang magkayakap sa tabing-dagat sa kani-kanyang Instagram account nila kahapon.
Kitang-kita ang maumbok na tiyan ni Maia sa picture na naka-post. Pregnant na pala ang dyowa ni Jhong nu'ng nagpunta sila at abutan ng Bagyong Ulysses sa Balesin Island noong November 12 kasama ang mga kasamaham niyang hosts sa It's Showtime at magdyowa rin na sina Vice Ganda at Ion Perez.
Dito nga napabalita na nagpakasal sina Jhong at Maia. Naiulat din na ang singer na si Moira dela Torre pa ang umawit sa kanilang wedding at kasama ang kanyang hubby na nagpunta sa Balesin Island.
Anyway, magkapareho ang picture na ipinost ng mag-partner on their respective Instagram account and same rin ang inilagay nilang caption sa picture, "Thank you Lord! #Sample Princess #SamplePrince."
Kilala kasi si Jhong bilang Sample King sa It's Showtime kaya 'prince' or 'princess' ang first baby nila ni Maia. Hindi pa kasi knows ng mag-partner ang gender ng kanilang first baby.
Inulan naman ng pagbati sa comment section ang IG nina Jhong at Maia from their celebrity friends, lalo na ang mga kasamahan ng pamosong dancer/actor/Makati councilor sa It's Showtime.
Una na sa mga ka-It's Showtime ni Jhong na bumati sina Anne Curtis, Vhong Navarro and his wife na si Tanya Winona Bautista, Amy Perez, Jugs Jugueta, Ryan Bang at ang dati rin nilang kasama sa show na si Eruption.
Comment ni Anne, "Congratulations Maia and Jhong!!!"
"Awww so happy for you and @jhonghilario Congratulations! Keep safe always," mensahe ni T'yang Amy.
"The best news I've heard in a while brother! So proud of you 3!," pagbati ni Eruption.
Simple pero kita ang saya for Jhong na congratulations naman ang comment nina Vhong, Jugs at Ryan.
Heto naman ang comment ng wife ni Vhong, "Congratulations! Kaya pala nagma-mature ka (Maia) these past few months."
Knows kasi ng misis ni Vhong na 'di ka-age level ni Maia si Jhong. Malaki ang agwat ng edad nila, Jhong is already 44 years old at si Maia ay 29 lamang.
Speaking of Vhong and Tanya, kung excited much na sina Jhong at Maia, kakaiba naman ang first couple na nabanggit namin.
Inamin ni Vhong sa isang interbyu na takot sila ni Tanya na magkaroon ng anak this year. Ang rason ay ang pandemya na nararanasan ng buong mundo.
Mahigit isang taon nang kasal sina Vhong at Tanya pero up to now ay wala pa rin silang anak. Although, may dalawang anak na lalaki naman na si Vhong sa mga una niyang nakarelasyon.
Going back to Jhong, no wonder kung bakit ganoon na lang ang saya at energy niya tuwing napapanood sa It's Showtime.
תגובות