ni Rohn Romulo - @Run Wild | June 29, 2023
Mula nang magpakasal at maging mag-asawa na sina Pia Wurtzbach at Jeremy Jauncey ay palaging itinatanong kung kailan sila magkakaanak. Pero para kay Pia, masyado itong personal.
Nag-post si Queen Pia sa kanyang Instagram na puwede na siyang tanungin ng mga followers niya dahil na-miss niya ang mga ito.
Ang ‘very personal’ na tanong sa kanya ng isa niyang follower sa IG, “When are you planning to have a baby?”
Pero kahit na ganu’n ang itinanong ng netizen kay Queen Pia ay maayos pa rin niya itong sinagot, “I guess I'll start with this… because literally, every four questions I get, there’s one question about us having kids.
“Honestly, I find these questions so personal... I wonder why this is considered a normal thing to ask though?
“First it was, ‘Kailan ka mag-aasawa?’ (When are you getting married?) Now, it's constantly, ‘Kailan kayo magkakaanak?’ (When are you having kids?)”
Super agree naman ang mga netizens sa saloobin ni Pia...
“I get hurt when I’m being asked with these questions. It's a sensitive topic. I never asked anyone about this, I’m so careful. Shameless people.”
“Una, kailan ka magkaka-BF/GF? Sunod, kailan kayo mag-aasawa? Wala ba kayong balak mag-asawa? Sunod, kailan kayo mag-aanak? Wala pa kayong balak mag-anak? Bakit wala pa kayong baby? Sunod, kailan n’yo susundan? Wala pa bang kasunod? Sundan na ‘yan! Ganyan ang ugali ng nakararaming Pilipino, lalo na mga boomers. Mga magulang natin, tito at tita. ‘Yung tipong ang sole purpose lang ng buhay mo, eh, mag-asawa at mag-anak.”
“Only in 'Pinas! Mga Marites talaga, walang alam sa boundaries. Mga pakialamera!”
“It’s really offending. You don’t really know what the couples are going through, so better don’t ask the question. Wait until they are willing to share.”
“Oh, God. Check boundaries, girl. That’s very personal. I hope ‘di ka nagtatanong nang ganu’n. ‘Di mo alam kung may problem sa pag-aanak or ayaw magkaanak ng isang babae or wala pa sa priority. And it’s not anyone’s business but the couple or just the woman’s (if single).”
“It's very intrusive. Not to mention there are couples facing infertility issues who want to keep it to themselves because it pains them to talk about it.”
“Again, toxic Asian culture kasi. Tanong nang tanong ng mga personal questions. Too insensitive.
Kakakasal lang nila. Let them enjoy each other muna.”
“Kasi they’re still stuck in their ways… old school thinking na dapat we should be privy to everyone’s personal business. What gain are we going to get by knowing their plans to have a family soon or not?”
Sinagot din ni Pia sa kanyang IG post ang nag-comment na baka preggy na siya dahil hindi na raw niya nakikitang umiinom ito ng alak, na good news daw kung true, ayon pa sa isang netizen.
Kaya pabirong nag-comment si Queen Pia ng, “Guys, please stop assuming like this, it’s not nice.
Nao-offend ‘yung mga ininom kong margarita (face with tears of joy emojis)."
Samantala, marami pa rin talaga na parang inggit na inggit at guwapung-guwapo sa hubby ni Pia na si Jeremy.
Comment pa ng isang follower sa naturang IG post, “Ang sarap gumising sa umaga kapag ganyan kaguwapo ang asawa mo. Mas lalo kang mai-inspire na mabuhay, hahahaha! Fave couple.”
Say naman ni Rabiya Mateo, “Magkamukha na kayo.” At nag-agree naman ang mga netizens.
Tama rin naman ang observation ng marami na hayaan na lang muna sina Pia at Jeremy na i-enjoy ang isa’t isa, kaya ‘di sila dapat magpadala sa pressure ng pagkakaroon ng anak.
Comments