ni Mai Ancheta @News | August 22, 2023
Arestado ang basketball player na si Charles Justin "CJ" Lazarte matapos makunan ng isang pakete ng hinihinalang shabu sa isang checkpoint sa Lasang, Davao City nitong Lunes ng umaga.
Si Lazarte, 25, ay kinikilalang "Bigman Slasher" ng San Miguel Beermen ng Philippine Basketball Association (PBA).
Batay sa report ng pulisya, natiyempuhan si Lazarte sa Light Vehicle Inspection Area at nakita umano sa kanyang pag-iingat ang isang pakete ng shabu na may timbang na 0.20 grams.
Ang checkpoint ay pinangangasiwaan ng joint PNP at Task Force Davao.
Nakakulong na ang basketball player sa Bunawan Police Station at mahaharap sa kasong paglabag sa Comprehensive Dangerous Drugs Act of 2002
Comments