ni Lolet Abania | March 11, 2022
Pinagkalooban na ng Food and Drug Administration (FDA) ng emergency use authorization (EUA) ang antiviral pill Paxlovid ng Pfizer nitong Huwebes.
“Masaya ko pong ibinabalita sa inyo na naaprubahan na po namin ang Paxlovid kahapon,” pahayag ni FDA Director Oscar Gutierrez sa Laging Handa briefing ngayong Biyernes.
“So dalawa na po ang oral antiviral treatment natin against COVID-19: Paxlovid and molnupiravir,” sabi pa ni Gutierrez.
Batay sa ginawang mga clinical trials, nagpakita ang Paxlovid ng kabawasan sa pagpapaospital at kamatayan para sa mga at-risk na mga indibidwal ng halos 90 porsiyento nang ito ay ipainom sa kanila sa mga unang ilang araw matapos na lumabas ang mga sintomas.
Binigyan naman ang Bexovid, ang generic at mas abot-kayang version ng Paxlovid, ng isang compassionate special permit noong Enero.
Samantala, ayon kay Gutierrez, inaprubahan na rin ng FDA ang isa pang gamot na mula sa Bangladesh.
“At meron pong nadagdag na isang molnupiravir na gamot. Ito po ay galing ng Bangladesh. Molenzavir po ang pangalan,” ani Gutierrez.
Comentarios