ni Angela Fernando - Trainee @News | April 4, 2024
May pasabog na tsika ang aktor na si Patrick Garcia sa kanyang guesting sa "Fast Talk with Boy Abunda" nitong Miyerkules.
Ibinulgar kasi ni Patrick na ang "It's Showtime" host na si Anne Curtis ang unang babaeng nambasted sa kanya.
Unang beses daw itong inamin ng aktor kaya naman maging ang ‘King of Talk’ na si Boy Abunda ay nagulat basted pala ito kay Anne dati.
Hirit naman ni Patrick, matagal na rin naman daw nangyari ito at pabirong nag-sorry sa mga netizens.
Sa kasalukuyan nga ay may mga pamilya na ang dalawa ngunit hindi pa rin isinasarado ng madlang pipol ang posibilidad na magsama ang mga ito sa kanilang mga future projects.
Comentarios