ni Vinia Vivar @Frankly Speaking | June 17, 2024
Parami nang parami ang mga celebrities natin na nabibiktima ng scammers ngayon. Ang latest naman na nagrereklamo ay si Marvin Agustin na ginagamit daw ang kanyang pangalan para magbenta ng kanilang produkto.
Sa kanyang Instagram (IG) page ay nag-release ng official statement ang aktor para bigyang-babala ang kanyang mga followers.
Ayon kay Marvin, hindi lang pangalan niya’t mga larawan ang ginagamit ng mga impersonators kundi pati ang boses niya ay nagagaya na rin using AI (artificial intelligence) technology.
“To all my followers as Marvin Agustin or “Tito Marvs,” I would like to inform you that we have received several reports of social media accounts pretending to be me or my representatives selling various products.
“These impersonators are using my name, photos, and videos, as well as manipulating my voice using AI,” ani Marvin.
Ibinahagi rin ng aktor ang kanyang legit social media accounts na siyang dapat lang paniwalaan.
“I want to clarify that my only official Facebook page is fb.com/MarvinAgustinOfficial.
“Additionally, these are my only social media accounts: Instagram: @marvinagustin Tiktok: @marvin_agustin
“My official stores are: www.yummyverse.ph Secret Kitchen on lazada : https://s.lazada.com.ph/s.PV0vE.”
Ine-encourage ni Marvin ang lahat na i-report ang mga nakikitang suspicious post sa mga online platforms.
Comments