ni Rohn Romulo - @Run Wild | November 8, 2021
Magkasabay ang dalawang big showbiz events sa Tuesday, November 9, 2021.
Una na ngang naglabas ng teaser ang FPJ’s Ang Probinsyano sa tuloy na tuloy nang pagpasok ni Megastar Sharon Cuneta sa buwang ito pagkatapos ng ilang aberya.
Nakalagay sa teaser “MEGAganda pa ang gabi n’yo. Abangan.”
Ini-repost naman ni Sharon sa kanyang IG ang post ng @megaberksonline na, “Kalaban or kakampi? Malapit na!
“November 9 mediacon. Save the date berks!”
Sa pagwe-welcome nga kay Mega sa cast ng action-drama series ni Coco Martin, malalaman na kung may kaugnayan siya kay Julia Montes at sa dating ka-love team at director sa mga concerts na si Rowell Santiago.
Samantala, may midnight post naman ang GMA Network sa kanilang IG account few days ago ng teaser na, “He’s HAPPY to be back. 11.09.21,” na may caption na: “Multi-awarded actor, may malaking pasabog! Abangan ‘yan ngayong Martes.”
At karamihan nga sa mga netizens ay iisa lang ang hula sa photo ng actor na naka-smile… si John Lloyd Cruz, na matagal na sanang nakapirma pero nagkaroon ng aberya.
Matatandaan din na lumabas ang balitang magkasama sila ni Bea Alonzo sa isang shoot, na ipinalalagay na para sa Christmas Station ID ng GMA-7, na mukha namang may katotohanan, kaya sobrang nakaka-excite ang pagkakasama ng dalawa sa yearly station ID ng network na may pa-teaser na dahil malapit nang mapanood, “Mangingibabaw ang pag-ibig ngayong Pasko!” at may hashtag na #LoveTogetherHopeTogether!
Anyway, may follow-up IG post naman ang GMA na, “Handa na ba ang PUSO mo?” na may caption na, “Ihanda ang inyong mga puso dahil ang much-awaited comeback of this box-office actor is almost here! Abangan ‘yan ngayong Martes.”
Kaya wala na talagang atrasan ang pagiging Kapuso ni Lloydie.
Abangan na lang natin kung ano ang mas pag-uusapan at magta-top trending ngayong Martes, mga Marites!
Opmerkingen