ni Nitz Miralles @Bida | Abril 8, 2024
Halos Viva stars pala ang kasama sa cast ng Lumuhod Ka Sa Lupa na premiere na this Monday, 2:30 PM sa TV5, mula kina Kiko Estrada at Sarah Lahbati, Rhen Escaño, Andrew Muhlach, Andre Yllana, Phoebe Walker, Ashley Diaz, Joko Diaz, Rose Van Ginkel at Jeffrey Hidalgo.
Hindi kami sigurado kina Mark Anthony Fernandez at Jeric Raval at kung hindi sila Viva talents, sila lang nina Sid Lucero at Gardo Versoza ang hindi contract stars ng VAA.
Hindi lang ‘yun, galing din sa showbiz families ang main cast gaya ni Kiko na anak ni Gary Estrada, si Andrew na anak ni Cheng Muhlach, si Andre na anak nina Aiko Melendez at Jomari Yllana, si Ashley na tatay si Joko at si Mark Anthony na anak nina Alma Moreno and the late Rudy Fernandez.
Sabi pala ni Director Albert Langitan sa araw ng mediacon, naka-21 days taping na sila.
Hindi pa tapos ang kanilang taping at kung magkakaroon ng Season 2 ang action series, madaragdagan ang taping days nila.
Sina Kiko at Sarah ang magkapareha rito at may kissing scene sila. Sa parte ni Kiko, walang magseselos dahil single raw siya. Single rin ang laging sinasabi ni Sarah sa status niya, kaya wala ring magseselos.
Comments