ni Lolet Abania | October 21, 2021
Unti-unti nang binubuksan ng Lungsod ng Maynila ang kanilang mga tourist attractions, una na rito ang Manila Ocean Park, malapit sa Quirino Grandstand, Rizal Park ngayong Huwebes para sa mga fully vaccinated visitors.
Pinangunahan ni Vice Mayor Honey Lacuna na tatakbo sa pagka-mayor ng Manila sa 2022 elections, ang ceremonial reopening ng naturang parke, kung saan makatutulong ito ng malaki para sa unti-unting pag-angat ng ekonomiya ng lungsod sa gitna ng pandemya.
“After a year of temporary closure brought about by the pandemic, we are hopeful that business like yours will get back on track,” ani Lacuna.
“You are conveying a clear message that we are getting through the darkest times and that we are almost getting out of the tunnel and beginning to see the light,” dagdag pa niya.
Ang Manila Ocean Park ay bukas para lamang sa mga fully vaccinated na indibidwal na nasa edad 18 hanggang 65-anyos mula Huwebes hanggang Linggo, 10:00AM-6:00 PM.
Comments