ni Erlinda Rapadas @Teka Nga | September 24, 2023
Busy ngayon si Paolo Contis dahil araw-araw ay nagho-host siya sa Eat… Bulaga! ng TAPE, Inc., samantalang once a week ay may taping siya sa Bubble Gang at may mga offers pa rin siya na gumawa ng pelikula.
Maayos naman niyang nagagawa ang kanyang mga commitments dahil magaling siya sa time management.
Tiyak na marami ang maninibago sa kanyang role sa pelikulang Fuschia Libre dahil isang bading na mixed martial arts fighter ang kanyang role.
Sa ngayon ay priority ni Paolo ang pagho-host ng EB!. Sila ni Isko Moreno ang tumatayong poste ng nasabing noontime show. Sa trabaho ibinubuhos ni Paolo ang kanyang panahon dahil ang goal niya ay makaipon at makapagpatayo na ng kanyang dream house.
Wala sa kanyang agenda ang future ng relasyon nila ni Yen Santos. Sapat nang nakasuporta ang girlfriend sa kanyang career.
It seems, nagma-mature na nga si Paolo at handa nang makipagsabayan sa mga kasamahang aktor na nakapagpundar na at may sarili nang pamilya.
Comments