ni Vinia Vivar @Frankly Speaking | Nov. 20, 2024
Photo: Paolo Contis - IG
Inalmahan ng manager ni Paolo Contis na si Lolit Solis ang paggamit sa larawan ng aktor para sa isang produkto na ibinebenta sa online.
Sa Instagram (IG) post ng veteran talent manager-entertainment columnist ay kinondena niya ang mga taong gumagawa ng ganitong gawain.
“Salve, kaloka naman ‘yung paggamit ng photo ni Paolo Contis para ibenta ang isang produkto sa TikTok. Nakakaloka na hindi man lang nila kinausap man lang si Paolo para hingin ang approval nito. Nakakatawa din na para bang wala man lang silang respeto kay Paolo bilang isang tao,” pahayag ni ‘Nay Lolit.
Aniya pa ay hindi nila palalampasin ang mga mapagsamantalang tao na ito.
“Akala yata ng gumawa nito, pababayaan naming makalusot ito. Wala silang respeto so dapat, ‘wag bilhin ang anuman products na ibinebenta nila. Ang mga ganitong may-ari ng anumang bagay na nagsasamantala sa ibang tao, dapat lang na ‘wag din bigyan respeto,” imbiyernang sabi ni ‘Nay Lolit.
“Mabuti na lang at mabait na tao si Paolo Contis at para sa kanya, hindi malaking bagay ‘yun, pero para sa mga taong nagmamahal sa kanya, isa itong very unjust na bagay,” patuloy niya.
Nagbigay din ng babala ang manager ni Paolo sa mga taong ito na tigilan ang kanilang ginagawa at binabalak na raw nilang kumonsulta sa lawyer.
“Gusto namin ipaabot sa naturang mga tao na gumawa nito na dapat ninyong tigilan ang ginagawa ninyo dahil we will consult a lawyer regarding this. Isa itong pagsasamantala sa karapatan ni Paolo Contis kaya dapat mahinto. We will take legal action on this, kaya Salve at Gorgy, samahan n’yo kami sa hearing para malaman ninyo bakit nila ginawa ito. Fighting!” pagtatapos na mensahe ni ‘Nay Lolit.
Nag-promote ng online gambling… NADINE, PERA-PERA NA LANG DAW, INAYAWAN NA NG FANS
Katakut-takot na pamba-bash ang natatanggap ngayon ni Nadine Lustre mula sa mga netizens at maging sa kanyang mga fans dahil sa pagpo-promote niya ng isang gambling casino online.
Sa latest Facebook (FB) post kasi ng aktres ay makikitang super-promote siya ng online casino kaya dismayado ang iba niyang fans.
Sa comment section ay may mga kumakantiyaw pa na hindi raw siguro nakakabayad ng renta sa bahay at iba pang bayarin ang aktres, kaya tanggap na lang nang tanggap ng endorsement.
Narito ang ilan sa mga comments na nabasa namin:
“The bills can’t be that bad.”
“Nadine, Look at me. This is not you.”
“Please lang, if you want to be a good role model, artist that inspires people, stop endorsing gambling here in the Philippines. You don’t know what negative effects would impact our society. Nadine, this is not you.”
“What a downgrade.”
“So disappointed.”
“I used to like you but you're promoting online gambling. Damn Nadine, what have you done?”
Pero marami rin namang nagtanggol kay Nadine at sinabing kahit pa mag-endorse ang aktres ng sugal ay sariling desisyon pa rin naman ng mga tao kung magsusugal ang mga ito.
Samantala, wala pang reaksiyon si Nadine Lustre sa mga pambabatikos na natatanggap niya.
Timeout muna sa paghahatid-balita ang mga batikang mamamahayag ng GMA dahil kasama silang nagpa-feel ng Paskong Pinoy sa mga Kapuso via GMA’s 2024 Christmas Station ID, ang 'Ganito Ang Paskong Pinoy: Puno ng Pasasalamat.'
Makikita sa video na masayang nakiki-bonding sa mga Kapuso stars ang mga personalidad mula sa GMA Integrated News at GMA Public Affairs, sa pangunguna nina Jessica Soho, Arnold Clavio, Vicky Morales, Howie Severino, at Mel Tiangco.
Marami ngang mga netizens ang natuwa nang makita silang nag-e-enjoy at feel na feel ang Christmas vibes sa kabila ng kanilang napakahirap at peligrosong trabaho. Tila ba ibang imahe ang nakita ng madla dahil madalas silang makitang seryosong nag-uulat ng mahahalagang balita sa telebisyon.
Kinagiliwan nga rin ng mga netizens ang BTS reel ng GMA Network kay Susan Enriquez na enjoy na sumasalok ng taho habang nakikipagkulitan sa mga nasa Station ID shoot. Sey nga nila, mukhang change career na raw ang “napaka-cute” na si Ms. Susan.
Panoorin ang happy at makukulit na moments ng mga batikang mamamahayag ng GMA sa 2024 Christmas Station ID: 'Ganito Ang Paskong Pinoy: Puno ng Pasasalamat.’
تعليقات