ni Jemuel C. Salterio @Talbog | Dec. 5, 2024
Bagong pasabog sa showbizlandia ang pinag-uusapan ngayon. Ang kuwento? Masalimuot na chismis ng third party, screenshot-receipts, at mga broken hearts na kasingpait ng ampalaya.
Ang bida sa issue? Si Maris Racal, ang dating jowa ni Rico Blanco, at ang aktor na si Anthony Jennings.
Ang eksena? Isang ‘hot’ na kaganapan daw sa loob ng CR na ikinabunyag ni Social Media Marites-in-Chief, Xian Gaza!
Unang sumabog ang balita nang mag-post si Gaza sa kanyang Facebook (FB) at X (dating Twitter) account, kung saan isiniwalat niya ang diumano’y sinabi ni Maris, “Hindi na tumitigas kay Rico kasi matanda na kaya natukso ako, sorry po sa lahat ng nasaktan ko.”
Shocking, ‘di ba? Ang hanash, nawalan na raw ng init ang relasyon ni Maris at ni Rico, kaya’t natukso ito kay Anthony. Naturalmente, kumulo ang kape ng mga fans, at bumaha ng comments online.
Ang drama, lalo pang lumala nang sumali sa eksena si Jam Villanueva, ang ex-girlfriend ni Anthony Jennings. Sa kanyang Instagram (IG) story noong December 3, naglabas si Jam ng hinaing at mga resibo tungkol sa breakup nila ni Anthony.
Aniya, “I’ve been trying to hold myself together through everything that’s been happening. But after hearing all the things being said about me—about my character, my intentions, and even my family—I can’t stay silent any longer.”
Napakahugot! Pero hindi rito natapos ang hanash ni ate gurl. Nag-share siya ng screenshots ng mga usapan nina Anthony at Maris, na naglalaman ng mga sweet exchanges at pasaring sa kanilang closeness.
Isa pang nakakabiglang detalye? Isang text ni Maris na nagsasabing, “It was hot,” na tumutukoy diumano sa make-out session nila ni Anthony sa loob ng CR matapos ang isang party. Grabehan!
Sa kanyang post, ikinuwento ni Jam na dati niyang sinusuportahan ang pagkakaibigan nina Maris at Anthony, ngunit hindi nagtagal ay napansin niya ang mga red flags.
“When Maris came into the picture, I was genuinely happy for you both... But betrayal like this cuts deep,” ani Jam.
Dagdag pa niya, “I never imagined I’d have to let you go, but I did—so you could grow and find happiness on your own.”
Ang sakit, besh!
Isa pang pasabog? May mga ‘sweet’ moments na nakunan sa camera. Isang larawan nina Maris at Anthony na kuha sa flight nila mula Italy papuntang Manila, kung saan tila naghahalikan ang dalawa.
Ang mas masakit? Ito raw ay nangyari ilang araw lang matapos samahan ni Anthony si Jam sa ospital para sa MRI. Talk about backstabbing sa totoong buhay!
Sa gitna ng kontrobersiya, todo-deny pa rin sina Maris at Anthony na may “landi-landi” na nagaganap sa pagitan nila. #DenialGalore.
Sa isang media conference para sa upcoming ABS-CBN series na Incognito, inamin ni Anthony na hiwalay na sila ni Jam dahil sa personal issues, pero iginiit na ang closeness nila ni Maris ay professional lamang. Si Maris naman, tila dedma lang at abala sa pag-promote ng kanyang mga proyekto.
Samantala, nananatiling lowkey si Rico pero lumalaban. Habang mainit ang eksena, nag-focus siya sa kanyang music career at tahimik na sinusuportahan ng mga fans ang kanyang bagong collab possibilities kasama ang viral singer na si Sofi Fermazi. Mukhang mas pinili ni Rico ang peace kaysa makipagbardagulan sa ex.
Hanggang ngayon, hati ang opinyon ng madlang pipol. May mga nagtatanggol kay Jam Villanueva, habang ang iba’y nananatiling Team Maris-Anthony. Sa kabila ng lahat, patuloy ang buhay-showbiz nina Maris at Anthony, lalo’t parehong bida sila sa Incognito. Pero sa dami ng chismis, siguradong magbubuntot pa rin ang mga intrigang ito sa kanilang career.
Ang tanong, totoo ba ang lahat ng ito, o gawa-gawa lang ng Marites universe?
Abangan ang susunod na kabanata ng teleserye ng totoong buhay!
‘Yun na! Ambooolancia! #ChairmanNgChikahan #Talbog
Comments