Panawagan ni Leonardo DiCaprio para sa Masungi, tablado sa DENR

ni Eli San Miguel @Entertainment News | July 6, 2024

Photo: Renz Perez for Masungi / Georeserve Foundation

Naging matunog sa social media ang panawagan ng world-renowned celebrity na si Leonardo DiCaprio upang ipagpatuloy ang pagprotekta sa Masungi Georeserve.

Maraming kilalang Filipino celebrities ang sumunod sa kanyang hakbang, na patuloy na nanawagan para sa parehong layunin.

Kabilang dito sina Arci Muñoz, Karen Davila at John Arcilla na agad na nagpasalamat kay DiCaprio sa kanyang pagsisikap na kunin ang atensiyon ni Pangulong Ferdinand "Bongbong" Marcos Jr. sa usaping ito.

“Thank you. The people depending on our environment are our most vulnerable sectors who haven’t been given enough of a voice to protect the natural resources that they love and rely on,” ani Arci.

Nagkomento rin si Karen, “Thank you @leonardodicaprio and Bravo @masungigeoreserve for keeping on! Amazing to see the world stand with the brave work you do!”

“Thank you so much for this awareness and call. Such a noble endeavor; it’s a pity that we Filipinos ourselves are not even aware of this. Thank you," pahayag naman ni John.

Gayunpaman, hindi pa rin natinag ang Department of Environment and Natural Resources (DENR) at nagbigay ng pahayag tungkol sa mga panawagan.

“We appreciate the statements of concern for the Philippine environment from international celebrities who are distinguished in their respective fields. However, no one is exempt from the law,” sabi ng ahensiya.

Inirerekomenda ng ahensiya ang kanselasyon ng 2017 Memorandum of Agreement na nagbibigay sa Masungi Georeserve Foundation Inc. (MGFI) ng perpetual land trust para sa konserbasyon, dahil sa ilang probisyong labag umano sa Konstitusyon.

Inilarawan ng DENR ang lugar bilang isang "resort" na ginagamit para sa personal na pakinabang.