ni Nitz Miralles - @Bida | September 30, 2021
May teaser na si Kim Atienza na inilabas ng GMA, patunay na tuloy na ang kanyang paglipat sa Kapuso Network.
Sabi sa teaser, “Paparating Na Si Kuya, Mga Kapuso” at may blurred picture si Kim with his signature hat.
Limang shows nga raw ang gagawin ni Kim sa GMA at isa rito ay isang daily show. May mga naniniwala na baka sa 24-Oras siya mapasama dahil wala na si Mang Tani na nagwe-weather report. Nasa ibang bansa na raw si Mang Tani, kaya kailangan nga ng papalit sa kanya sa 24-Oras.
Spotted na rin si Kim sa GMA Building noong isang araw sakay ng kanyang motorsiklo.
Nakita rin siyang nag-shoot ng OBB o Opening Billboard para sa gagawing show sa GMA.
Sagot ni Kim sa mga nagtatanong sa paglipat niya, “I pray for signs, and the signs have been so clear whenever it’s His will. Whenever it’s His will, the signs are so clear in the decision I make. It will be official on Friday, that’s what I can tell you.”
May pipirma ng kontrata sa GMA this Tuesday, new talent daw, hindi pa siguro si Kim dahil Friday daw siya magsasalita.
Comments