ni Thea Janica Teh | August 17, 2020
Pansamantalang isasara ang palengke sa bayan ng Guagua Pampanga dahil sa COVID-19.
Isasailalim sa lockdown ang buong palengke simula ngayong Lunes ng umaga dahil dalawa umano sa market vendor at 1 market staff ang nagpositibo sa COVID-19. Ayon kay Mayor Dante Torres, isasara ito para sa disinfection at contact tracing.
Matapos ang lockdown na ito, mahigpit ng ipatutupad ang health protocol ng bayan tulad ng pagsuot ng face mask at face shield para sa lahat kabilang ang market vendor, checker at street sweeper.
Papatawan naman ng multa ang mga hindi susunod dito. Ang lockdown ay tatagal hanggang Miyerkules.
Comments