Pagsusuot ng face shields, hindi na mandatory sa mga lugar na nasa Alert Level 1, 2, at 3

ni Jasmin Joy Evangelista | November 16, 2021

Inaprubahan na ni Pangulong Rodrigo Duterte ang rekomendasyon ng Inter-Agency Task Force (IATF) na gawing boluntaryo ang pagsusuot ng face shield sa mga lugar na nasa ilalim ng Alert Levels 3, 2, at 1.

Magiging mandatory lamang ang face shields sa mga lugar na nasa Alert Level 5 o ang pinakamataas na classification ng gobyerno at mga lugar na nasa granular lockdowns.

Sa mga lugar naman sa ilalim ng Alert Level 4, ang mga local government units at pribadong establisyimento ang magbibigay ng mandato ukol sa pagsusuot ng face shields.