ni Nitz Miralles - @Bida | July 22, 2021
Tama ang mga fans nina Bea Alonzo at Dominic Roque na hinintay lang ng dalawa ang birthday ng aktor noong July 20 para ilantad ang kanilang relasyon. Hindi na sliced ang photos na nakikita namin at malaya na nilang ipino-post ang mga larawang holding hands silang dalawa kasama ang mga kaibigan.
May nakita pa kaming larawan na si Bea ang nakaakbay sa balikat ni Dominic, kaya mali ang sabihing si Dominic lang ang in love sa kanila ni Bea. Ang latest photos nila ang magpapatunay na in love ang dalawa sa isa't isa. Kaya ‘yung mga nagsasabing nanliligaw pa lang si Dominic kay Bea, huli na kayo sa balita.
Titigil na rin siguro ang mga shippers nina Bea at John Lloyd Cruz na ang pinaniniwalaan ay sina Bea at JLC ang may relasyon. Dapat makita nila ang mga larawan nina Bea at Dominic na sweet sa isa’t isa.
Umaasa ang mga reporters na pagbalik nina Bea at Dominic sa August, hindi na rin nila ililihim ang kanilang relasyon at makikita na natin ang mga mukha nila sa mga ipo-post nilang litrato.
Comentarios