ni Fely Ng @Bulgarific | May 31, 2023
HELLO, Bugarians! Ngayong buwan ng Mayo, ipinagdiwang ang kapayapaan sa walumpu't siyam (89) na mga lugar sa limampu't siyam na bansa upang gunitain ang mga pagsisikap ng mga mamamayan na itaguyod ang kapayapaan. Noong ika-25 Mayo, nagtipon ang limang libong (5,000) katao sa Peace Gate ng Seoul Olympic Park sa South Korea, at inaasahan na libu-libong indibidwal ang makikilahok sa mga kaganapan hanggang sa katapusan ng buwang ito.
Opisyal na pinamagatang 'HWPL's 10th Annual Commemoration of the Declaration of World Peace and the Peace Walk', ang pandaigdigang pagdiriwang isinagawa ng isang internasyonal na NGO na Heavenly Culture, World Peace, Restoration of Light (HWPL) na kaugnay ng United Nations Economic and Social Council sa pakikipagtulungan ng mga pampubliko at pribadong organisasyon sa iba't-ibang bansa.
Inalala ni Chairman Lee Man-hee ang mga gawaing pangkapayapaan ng HWPL sa nakaraang sampung taon at sinabi, "Sampung taon na ang nakalipas mula nang tayo ay mangakong magtulungan, at simula noon ay patuloy tayong nananawagan para sa kapayapaan ng buong mundo. Pinagtibay natin na ang kapayapaan ay dapat ituro sa tahanan at paaralan, at ang bawat isa ay dapat maging mga mensahero ng kapayapaan. Pumunta ako sa Mindanao sa gitna ng labanan upang palakasin ang tinig ng kapayapaan at gumawa ng pangako na hindi na magkaka-giyera muli."
Sa parehong araw, magkakasabay na ginanap sa iba't-ibang panig ng Pilipinas ang paggunita sa loob ng mga paaralan at komunidad sa Cavite, Laguna, Lucban, Tarlac, Nueva Ecija at Cotabato City. Mga Monumento ng kapayapaan, itinatag sa mga paaralan at Pamantasan. Ang mga paaralan at Unibersidad na sumusuporta sa inisyatibang peace education ng HWPL ay nagtatag ng mga monumento ng kapayapaan bilang tanda ng pangakong lumikha ng isang mapayapang kapaligiran sa loob ng kampus.
Unang nagdiwang sa buwan ng Mayo ang Victorious Christian Montessori (VCM) sa GMA, Cavite; ito ang unang pribadong paaralan na nagtuturo ng HWPL Peace Education bilang isang hiwalay na asignatura mula sa K-12, Kasabay ng unveiling ceremony ng peace monument, inilunsad din nila ang Peace Education Organization at nagdaos ng panunumpa para sa mga opisyal. Nakilahok din ang mga mag-aaral sa iba't-ibang aktibidad tulad ng pagsulat ng mga mensahe at panalangin para sa kapayapaan sa freedom wall, recycle drive at pagbibigay-donasyon ng mga lumang laruan at damit para sa mga nangangailangan.
Sa mga pampublikong unibersidad na sakop ng Commission on Higher Education (CHED), libu-libong mag-aaral, opisyal ng paaralan, at mga peace advocates ang nakiisa sa unveiling ceremony ng mga monumento ng kapayapaan sa Tarlac Agricultural University (TAU) at Nueva Ecija University of Science and Technology (NEUST). Isinagawa ang proyektong ito sa pakikipagtulungan sa Volunteer Individuals for Peace (VIP), isang NGO na pinamumunuan ni CHED Commissioner Dr. Ronald L. Adamat.
Nasasabik si Dr. Engr. Feliciana Jacoba, presidente ng NEUST, na isagawa ang kanilang flag ceremony sa gitna ng kanilang kampus kung saan nakatayo ang bagong istruktura. Sinabi rin niya na sa pamamagitan nito. "ginagarantiya at matibay na susundin ng unibersidad ang pagtataguyod ng kapayapaan" sa loob at labas ng kanilang paaralan.
Sa ngayon, mayroon ng labinlimang (15) mga monumento ng kapayapaan ang HWPL sa buong Pilipinas; siyam (9) sa mga ito nasa loob ng mga kampus.
Peace Wall
Binuksan sa publiko ang isang Peace sa Pila, Laguna. Ito ay dinisenyo ng lokal na artist na si Kirk Ryan San Jose mula sa ideya ni Mrs. Vikki Yu, HWPL Regional Coordinator, sa pakikipagtulungan sa DepEd Laguna Pila Sub-office. Bilang bahagi ng inisyatibang peace education, nilalayong palaganapin ang kamalayan sa kapayapaan ng mga kabataan lalo na sa mga mag-aaral, sa pamamagitan ng graffiti o street art.
Peace Float
Libo-libong mga tao at turista ang dumayo sa pahiyas Festival ngayongtaon sa Lucban, ang "art capital" ng Quezon. Kilala bilang isa s pinakamakukulay na pista sa bans, ito ay ginugunita tuwing ika-15 ng Mayo bilang pasasalamat ng mga residente sa Diyos para sa kanilang ani at pagkilala sa patron ng mga magsasaka na si San Sisidro Labrador.
Kabilang sa mga magagarang float na pumarada ay ang HWPL Peace Float, kung saan nakasulat ang katagang "Peace is Here."
Comments