ni Beth Gelena - @Bulgary Files | July 21, 2021
Bagama'T hindi nagbigay ng detalye si Angel Locsin sa kasal nila ni Neil Arce, ramdam ng marami na malapit na malapit na ito dahil ang sabi noon ng aktres, ang sure ay magaganap ito ngayong 2021.
Dapat ay noong November last year pa natuloy ang kasal nila pero dahil sa pandemic ay na-delay ito.
Hindi lang maiwasang magkaroon ng fear si Angel kapag mag-asawa na raw sila ng businessman-producer na si Neil.
Sa panayam sa kanya ni Matteo Guidicelli sa MattRuns podcast, nabanggit ng aktres na baka raw malaman ng kanyang fiancé na hindi siya marunong magluto.
“Baka kapag mag-asawa na kami at nalaman ni Neil na hindi ako marunong magluto, eh, baka isoli niya ako kay Daddy,” sey ni Angel.
"I started to get bothered about it.
“Siguro, ako muna. Ayusin ko muna 'yung sarili ko. Ayusin ko 'yung kasal ko. Mag-aaral akong magluto para hindi naman ako isauli ng asawa ko sa tatay ko,” natatawang sabi ng aktres.
Comments