ni Lolet Abania | September 5, 2021
Sumiklab ang sunog sa tanggapan ng National Archives sa UN Avenue, Manila ngayong Linggo nang madaling-araw.
Ayon sa Bureau of Fire Protection-National Capital Region (BFP-NCR), nagsimula ang sunog bandang ala-1:04 ng madaling-araw sa chief administrative office na matatagpuan sa ika-6 na palapag ng PPL Building.
Itinaas sa ikalawang alarma ang sunog bago tuluyang naapula ang apoy ng alas-3:13 ng madaling-araw.
Gayunman, wala namang naitalang nasaktan o nasugatan matapos ang sunog.
Sinabi pa ng BFP-Manila, wala nang iba pang opisina sa naturang gusali ang nadamay habang wala ring mahahalagang dokumento ang nasira dahil sa sunog.
Umabot sa tinatayang P800,000 na ari-arian ang napinsala matapos ang sunog.
Comments