ni Ronalyn Seminiano Reonico | August 29, 2020
Nasabat ng Bureau of Customs-Port of Batangas nitong Huwebes ang smuggled cigarettes mula sa China na nagkakahalagang P64.4 million.
Ayon sa BOC, dumating ang shipment sa Port of Batangas mula sa Guangdong, China noong August 20 na idineklara umanong plastic cabinets.
Nang dumaan ang naturang shipment sa physical examination, napag-alaman na ito ay naglalaman ng 1,631 kahon ng sigarilyo.
Agad namang inirekomenda ni Acting District Collector Rhea M. Gregorio ang issuance ng Warrant of Seizure and Detention laban sa “entire shipment” dahil sa paglabag nito sa Section 1400 “Misdeclaration, Misclassification, and Undervaluation in Goods Declaration.”
Pahayag din ng BOC-Port of Batangas, “The BOC-Port of Batangas ensures that the Bureau remains steadfast in securing our country’s borders, facilitating trade, and collecting lawful revenues.”
Comentários