ni Jasmin Joy Evangelista | February 17, 2022
Nakumpiska ng mga tauhan ng Bureau of Customs (BOC) sa Ninoy Aquino International Airport (NAIA) ang nasa P3.5 milyong halaga ng mga isda, pagong, palaka, at halamang dagat noong nakaraang Huwebes.
Ang mga naturang hayop ay kabilang sa import shipment ng isang Aquaxotic Enterprises mula sa Thailand.
Kabilang sa mga nasabat ang 180 albino soft-shelled turtles, 120 pacman frogs, at 38,188 na mga isda.
Kabilang din sa nasamsam ang 718 anubias plants at 260 microsorium plants.
Ayon sa Bureau of Customs, ang mga naturang hayop at halaman ay hindi naka-declare sa permit to import ng Aquaxotic.
Tinatayang naghakakahalaga ang mga ito ng P3.5 milyon.
Ayon pa sa BOC, ito ay paglabag sa Customs Modernization and Tariff Act (CMTA).
Comments