ni Julie Bonifacio @Winner | Mar. 29, 2025
Umani ng batikos ang clothing brand na Bench sa social media mula sa ilang netizens.
Inireklamo kasi ng isang netizen ang quality at presyo ng damit na ibinebenta ng kumpanya ng sikat na businessman na si Ben Chan.
Bunsod na rin ng bonggang fashion show ng Bench, kaya nag-react at nag-post ang isang netizen na hindi satisfied sa clothing brand.
Ayon sa post, “Bench championing themselves as a local brand that focuses more on celebrity endorsements than improving their overpriced subpar quality products.”
Ini-repost ng isa pang netizen ang komento na ito sa X (dating Twitter) kahapon.
Caption niya, “Hahaha! So true. I don’t buy Bench. The products may be a bit cheaper than some brands, but if you look at the quality of the cloth, design, sizing standards, craftsmanship, you’d realize they’re actually a bit overpriced. You don’t really need to look far for the reasons.
“Just look at its celebrity endorsers who they pay in millions. You like Bench because you feel like a celebrity too, admit it. But do these endorsers actually use what they wear on the billboards?”
May nag-comment sa post kung aware kaya ang mga celebrity endorsers ng Bench sa quality ng produkto nila.
“Are the celebs aware that the products they endorse are of low quality? (in love emoji).”
“They couldn’t care less. It’s the talent fee they care about.”
“OMG! (Oh my God!) Pinoy celebs have no integrity. Shocker.”
Nalurky (naloka) naman kami at may mga ganitong hanash pala ang mga netizens laban sa Bench.
NIYAKAP nang mahigpit ni Kim Chiu ang singer na si Frenchie Dy nu’ng nagkita sila sa special block screening ng NICKL Entertainment para sa movie nina Kim at Paulo Avelino na My Love Will Make You Disappear (MLWMYD) last Thursday.
Kasali sa MLWMYD si Frenchie at kabilang din siya sa talent management ng NICKL Entertainment, ang CLNjK bilang isa sa mga mentors.
Matatandaang napabalita na muling inatake si Frenchie ng Bell’s Palsy noong Pebrero.
Nahaplos naman ang damdamin ng mga netizens, especially ang mga followers ni Kim at mga fans ng KimPau loveteam, dahil sa mainit na yakap ng aktres kay Frenchie nu’ng muli silang magkita.
“Kim is so caring and loving talaga. Kaya love siya ng kahit sinong makatrabaho niya. So is Pau. But there’s nothing like the warmth that Kim's hug brings.”
“Naiyak ako (crying emoji). Feel ko ‘yung warmth ng hug ni Kim.”
PINATUNAYAN ng Walang Matigas na Pulis sa Matinik na Misis (WMNPSMNM) na panalo ito sa puso ng mga Pinoy matapos magwaging Best Mini Series sa 38th PMPC Star Awards for Television nitong Linggo, Marso 23, sa Dolphy Theater.
Tuwang-tuwa ang action star-lawmaker na si Senator Ramon Bong Revilla, Jr. na gumaganap bilang si “TOLOMEEEE!” sa panibagong karangalang iginawad sa kanilang serye.
“Grabe! Sobrang nakakataba ng puso! Mula umpisa hanggang dulo, ibinuhos namin ang lahat para mabigyan kayo ng isang palabas na hindi lang puno ng aksiyon at tawanan, kundi aral at lalim din.
“Nagpapasalamat kami sa PMPC sa pagkilalang ito, sa aming production team, at higit sa lahat, sa mga manonood na walang sawang sumuporta,” pahayag ng mambabatas.
Kahit tapos na ang Season 3 ng show, hindi pa rin kumukupas ang kasikatan nito. Pinag-usapan ito dahil sa kakaibang timpla ng aksiyon, tawanan, at kurot sa puso.
Kasama ni Senador Bong sa tagumpay na ito sina Beauty Gonzalez, Niño Muhlach, Dennis Padilla at iba pang mahuhusay na artista.
Usap-usapan ngayon kung magkakaroon ba ng Season 4 ang WMNPSMNM.
Hindi pa ito kinukumpirma ni Senador Bong, pero marami na ang nag-aabang.
Babalik kaya si Tolome sa telebisyon? Abangan!
Comments