BSP, hinihikayat ang publiko na gawing digital ang pagbibigay ng aguinaldo ngayong Pasko

ni Jasmin Joy Evangelista | November 24, 2021

Hinihikayat ng Bangko Sentral ng Pilipinas ang publiko na gamitin ang kanilang digital wallets sa pamamahagi ng cash gifts o aguinaldo sa kanilang pamilya at mga kaibigan ngayong nalalapit na holiday season.

Ipinahayag ni BSP Governor Benjamin E. Diokno na ang electronic fund transfers ay safe, affordable, at convenient na paraan ng pag-transfer ng pera.

"Digital wallets offer a safe, secure, efficient, and convenient way to transfer funds to family and friends during this season of giving," ani Diokno.

Ito rin ay inirerekomenda upang maiwasan ang physical contact at virus transmission sa pagitan ng magbibigay at bibigyan.

“This will allow the Filipino tradition of giving aguinaldo to family, friends, and significant others to continue despite restrictions on mobility and face-to-face gatherings,” pahayag pa ng BSP.

Isa ang digital banking sa mga prayoridad ngayon ng BSP para sa makabagong paraan ng mga transaksiyon.

Target ng BSP na sa 2023 ay gawing digital na ang at least half ng transactions upang ma-promote ang mas inclusive at tech savvy na ekonomiya ng Pilipinas.