ni Nitz Miralles @Bida | August 30, 2023
Nauna pang i-post ni Regine Velasquez ang copy ng August-September issue ng People Asia magazine na cover si Sharon Cuneta.
“Wow!!!!! Look at her,” na lang ang nasabi ni Regine dahil makikita sa cover na ang payat na ni Sharon.
Saksi ang marami sa journey ni Sharon para pumayat, kaya ‘yung nag-comment na edit lang ang cover photo ni Mega sa nasabing magasin ay nakatikim ng galit ng mga Sharonians.
Samantala, nalulungkot si Sharon at nami-miss ang panganay nila ni Kiko Pangilinan na si Frankie Pangilinan na bumalik sa Amerika para ipagpatuloy ang pag-aaral. Hindi magtatapos kay Frankie ang pangungulila ni Sharon dahil sa Amerika rin magka-college si Miel at malamang, pati ang bunso nilang si Miguel ay gugustuhin ding sa Amerika mag-aral.
Comments