ni Reggee Bonoan @Sheet Matters | Sep. 24, 2024
Napakomento si Nadine Lustre sa latest Milan Fashion Week (MFW) reel ni Heart Evangelista.
Sa comment section of Heart’s post ay hinangaan ng award-winning actress ang gorgeous at adorable na pagrampa ni Heart sa MFW.
Ani Nadine, “SO GOOD.”
Ang sagot ni Heart, “Hahaha! Come to Paris.”
Sey naman ng fan ni Nadine, puwedeng-puwede rin daw rumampa ang actress sa mga fashion show abroad.
Sana raw ay sumali si Nadine sa MFW dahil marami raw celebrities na taga-'Pinas ang rumarampa na rin sa naturang show.
Oo nga naman, baka siya pa ang maging center of attraction at maging Rampadora Queen.
Just saying....
Pinasalamatan ni Carlene Aguilar si Jennylyn Mercado dahil sa birthday message ng aktres sa anak niyang si Calix.
Si Calix ay stepson ni Jennylyn dahil si Dennis Trillo ang ama ng bagets.
Ang birthday message ni Jen, “Happy birthday, Kuya Calix! May all your wishes come true today and every day. We love you! #birthdayboy #calixandreasho.”
Na-appreciate ni Carlene ang mensahe ni Jen para sa anak, kaya nagpasalamat siya rito.
“Thank you Mommy Jen for loving Calix as your own,” pasasalamat ni Carlene.
Si Calix ay mahusay sa fencing na minsan nang ifinlex ni Dennis sa kanyang socmed account.
Kaya nagkomento ang mga netizens bilang pagbati sa posted birthday message ni Jen.
“Happy birthday Calix, the future Olympian!!!”
“Happy birthday, God bless.”
“He fences so well and the voice. Happy birthday! I wish you more blessings.”
May mens daw kasi siya nu'n…
RABIYA TINOPAK, JERIC BINLOCK SA IG, TOGETHER AGAIN NA
NAGSALITA na si Rabiya Mateo tungkol sa pag-unfollow at rumored breakup nila ni Jeric Gonzales.
Kumalat ang rumor na break na ang dalawa nang mapansin ng mga netizens na hindi na sila naka-follow sa isa’t isa sa Instagram (IG), then bigla namang na-speculate na nagkabalikan ang dalawa.
Natanong tuloy ang couple sa status ng kanilang relationship dahil nakikita na namang lovey-dovey ang celebrity couple.
Sa recent guesting ni Rabiya sa The Boobay and Tekla Show (TBAT), natanong ang former beauty queen tungkol sa unfollowing issue at status ng kanilang relasyon.
Aniya, nagkaroon siya ng topak nu’ng time na ‘yun dahil may monthly period siya, kaya she blocked Jeric.
“So my day, it was a bad day, and then I blocked Jeric. So, hindi ko naman ine-expect na mahahagilap agad ‘yun. Ipa-follow ko na s’ya dapat din, kasi naging okey na kami that day. Pero nakalimutan ko, eh, wala na, sumabog na,” esplika ni Rabiya.
Kaya hanggang ngayon daw ay hindi pa rin siya naka-follow kay Jeric.
Pagbabahagi pa niya, sinabi raw ng boyfriend ang isyung ‘yun sa kanya nu'ng time na magkasama silang dalawa sa Taiwan trip.
Ani ng Kapuso actress, tulad daw ng ibang relasyon, sila ni Jeric ay nagkakaroon din ng misunderstandings at conflicts. But despite their differences, wino-workout daw talaga nilang maging better and understanding to each other.
‘Yun naman pala!
Comments