ni Ambet Nabus @Let's See |May 19, 2023
Si Kuya Boy Abunda ang unang guest sa pagbubukas ng Season 2 ng Iskovery Night podcast channel ni dating Mayor Isko Moreno sa YouTube.
Dito nga ay inamin ng King of Talk na naisip niyang malalaos na siya at baka mag-end na rin ang era niya bilang talk show host dahil sa tindi ng anxiety na kanyang naranasan nang mawalan ng prangkisa ang ABS-CBN.
Pero, tingnan n'yo na lang ngayon si Kuya Boy, siya pa rin ang nagmamay-ari at may hawak ng trono bilang King of Talk dahil sa kanyang programang Fast Talk sa GMA-7.
Ito na nga ang bagong puntahan at huntahang venue para sa mga kilalang artista at mga newbies na nangangarap na makipag-fast talk kay Kuya Boy.
Kuwela ang naging tsikahan nila ni dating Mayor Isko at makikitang may sarili rin itong istilo kung paano manggisa ng mga guests. Hahahaha!
Comments