ni Nitz Miralles @Bida | January 25, 2023
Noong January 23 ang second wedding nina Glaiza de Castro at David Rainey at ginawa ang Filipiniana-themed Christian wedding sa Sundowners beach resort sa Botolan, Zambales.
Nakakatuwang makita si David na naka-Barong Tagalog at lalo pang natuwa ang mga nakasaksi sa wedding dahil hinaluan ng Tagalog ang kanyang wedding vows. May nabanggit itong “Hanggang pagtanda natin” with Irish accent.
Iba naman si Glaiza, kinanta ang kanyang wedding vows na siya mismo ang nagsulat.
Kakaiba nga ang second wedding nina Glaiza at David and this time, nasaksihan ng friends ni Glaiza.
Kabilang sa mga ninong at ninang sina Willie Revillame, Glaiza’s manager Manny Valester at si Charisse Tinio ng Nice Print.
Maid of honor si Angelica Panganiban, bridesmaids sina Rochelle Pangilinan, Sheena Halili, Isabel Oli, Chynna Ortaleza at Alessandra de Rossi.
Present din ang mga kaibigan ni Glaiza na sina Maxene Magalona, Kakai Bautista at mga nakasama ni Glaiza sa Running Man. Isinama pa nga ni Ruru Madrid ang GF na si Bianca Umali.
Present din ang best friend ni Glaiza na si Gabby Eigenmann.
Samantala, muling mapapanood si Glaiza sa Afternoon Prime na The Seed of Love na sa February na yata ang airing sa GMA-7. Kasama niya rito sina Mike Tan at Valerie Concepcion sa direction ni Ricky Davao.
Comentários