ni Ador V. Saluta - @Adore Me! | July 11, 2022
Samantala, kinumpirma na nga ni Ogie Diaz sa kanyang vlog na noon pang November, 2021 hiwalay sina Pokwang at Lee O'Brian. Nagkaroon sila ng isang anak, si Malia, na mag-aapat na taong gulang na.
Ikinagulat ng mga supporters ni Pokwang ang paghihiwalay nila ni Lee, na ayon sa source, personal ang dahilan at walang third party involved, period!
Kung may nalungkot, meron pa ring ilang bashers na ayaw paawat sa pamba-bash sa comedienne saying na karma raw ito sa kanya.
Matatandaang Pinklawan si Pokwang sa nakaraang halalan at natural na meron pa ring may sama ng loob sa kanya dahil sa iba ang kanyang kulay nu'ng panahon ng kampanya.
Kaya hindi pinalampas ni Pokwang ang basher na nagsabing “karma” ang breakup nila ng American actor na si Lee. Nagkomento ang isang netizen at itinag si Pokwang.
Tinawag ng basher si Pokwang na “bitter” at abala raw sa pagsagot sa mga supporters ng nanalong presidential candidate, na naging katunggali ng sinuportahang kandidato ni Pokwang.
Gumamit pa ng laughing with tears emojis ang netizen na animo’y kinukutya si Pokwang.
“Karma ba 'yan @itspokwang27,” pagkutya ng netizen sa komedyana.
Sagot nito, “Hindi po karma ang tawag du'n, nililinis ni God ang daanan ko patungo sa tamang tao!”
Aniya pa, “Ikaw, kapag namatayan ka ba ng kamag-anak mo, karma agad? Bakit, may pinatay ba ako? G*ga ka?”
Hindi na muling sumagot pa ang netizen.
Sa hiwalayan ng dalawa, bumukod ng tinitirhan si Lee at inaasikaso nito ang ilan sa mga naipundar na negosyo.
Sabi pa ng source, malamang na bumalik na rin sa US si Lee habang buo pa rin ang pasya ni Pokwang na ayaw na nito ng balikan pa.
Comments