ni Julie Bonifacio - @Winner | May 3, 2022
Nilinaw ni Pokwang na walang isyu na namamagitan sa kanila ni Comedy Queen Ai Ai delas Alas pagkatapos na pagkumparahin ng aktor na si DJ Durano ang kanilang style ng pagpapatawa.
“Hindi dapat,” diin ni Pokwang nu’ng mainterbyu namin sa grand launch niya as Klio plastic wares celebrity endorser.
“Ang tatanda na namin para mag-ganyan-ganyan. Hahaha! Jusko naman… masaya kaming nagtatrabaho. ‘Yung pulitika, ‘yung mga tao lang naman sa social media ang nagbibigay ng ano niyan, eh, ‘di ba?”
Twice na raw silang nagkita ni Ai Ai sa All-Out Sundays at ang pinag-usapan daw nila ay tungkol sa anak ni Pokwang na si Malia.
“Si Malia, kasi follower siya (Ai Ai) ni Malia, eh. Tuwang-tuwa siya. Wala kaming isyu ni Ms. Ai Ai.
“Sa mga tao lang naman. Pero kung makikita n’yo po kami doon sa hanapbuhay namin, masaya po kaming nagtatrabaho.
“Masaya po kaming kumikita. Hahaha! Masaya po kaming naghahanapbuhay,” pahayag ni Pokwang.
And speaking of Malia, hindi na itutuloy ni Pokwang na idemanda ang netizen na nang-bash at tumawag ng pangit sa kanyang youngest child.
“Nawala na siya, eh. Hindi na siya maano, uh. Kinausap ko ‘yung kaibigan ko from NBI, ‘yung account niya kasi, alam ninyo na, peke. So, hindi mo rin siya mate-trace. Parang dummy lang ang account niya. Troll, ganu'n.
“So, sabi na lang sa akin nu’ng ano, titingnan mo na lang kapag halimbawa… Kasi ganito ‘yan, ‘no? Kapag zero following, zero post, pero ang daming, ah, ano pala, zero followers, zero post pero ang dami niyang pina-follow, that’s a troll.
“Can you imagine, 2010 pa ang Instagram pero bakit zero following, zero ano ka pa rin?
“So, ibig sabihin, kagagawa mo lang ‘yan. 2010 pa ang Instagram, hello? Tapos, zero followers ka pa rin?”
Sa kabila ng mga intriga kay Pokie, happy naman siya sa bago niyang endorsement na Klio plastic wares.
Sobrang importante raw kay Pokie na nagtitiwala sa kanya ang isang kumpanya to endorse their product.
“Kasi siyempre, pinagkatiwalaan ka nila, ibig sabihin, ‘yung pagkatao mo bilang artista, bilang ano, doon ko nakikita, ‘Ay, wow,’ ‘di ba? Pinagkakatiwalaan ako ng mga produkto. So, malaking pasasalamat ko talaga,” lahad pa ni Pokie.
Gamit na gamit daw ni Pokie ang kanyang Klio products.
“Sa negosyo ko, gamit na gamit ko ‘yan, ‘no! Pati sa trabaho ko sa shooting, ‘yung iba, sa bahay,” sambit pa ni Pokie.
Comments