ni Vinia Vivar @Frankly Speaking | Feb. 12, 2025
Photo: Sharon Cuneta - Instagram
May bagong kinalolokohan ngayon si Megastar Sharon Cuneta at ito ay ang paggawa ng scented candles.
Ibinahagi niya sa kanyang Instagram (IG) account ang larawan ng mga nagawa niyang kandila at ini-reveal na mahilig pala siya sa scented candles noon pa.
“I poured six scented soy candles today. I stopped only because I ran out of wax! Two weeks pa before I can do a burn test and make adjustments. Always so excited doing this! I’ve also always spent so much on candles,” sey ni Shawie.
Ikinuwento nga niyang dati raw ay nagdala siya ng isang malaking balikbayan box na puno ng scented candles mula US to Philippines at kapresyo na raw ng airplane ticket ang kanyang ibinayad. Kaya never na raw niyang uulitin ‘yun.
“Once, I didn’t care how much the airline charged me for bringing a whole balikbayan box of heavy candles home with me from the States! Naku! ‘Di na ako uulit. Halos isang MNL-LAX (Manila to Los Angeles, USA) ticket na yata ibinayad ko! (crying emoji)
Never again. Pero they made me so happy for a long time!” kuwento ni Sharon.
Kaya happy siya na kaya na raw niyang gumawa ngayon ng sarili niyang scented candles. She revealed na nag-aral pa siya sa online ng candle-making.
“Now I can make my own na. Crazy over my new hobby (happy emoji) P.S. I took a U.S.- based online Candle-making Course! Aba, hindi pala simple, may computations pang ilalagay. Pero happy!” saad ni Mega.
KINUMPIRMA na ni Ashley Ortega ang relasyon nila ni Mavy Legaspi.
Sa guesting ng Sparkle artist sa Fast Talk with Boy Abunda (FTWBA) nitong nakaraang Lunes ay diretsahan siyang tinanong ni King of Talk Boy Abunda ng, “Oo o hindi, kayo na ba ni Mavy Legaspi?”
Natatawa at tila nahihiyang sagot ni Ashley, “I think it's obvious naman. Yes.”
Tinanong din ni Kuya Boy kung kumusta ang relasyon niya with Mavy’s parents, Zoren Legaspi and Carmina Villarroel.
Ayon sa aktres ay ipinakilala na siya ni Mavy sa pamilya nito.
“They’re very welcoming, Tito Boy. I’ve worked with Tita Mina na before, nag-lock-in taping kami for 2 months. Si Tito Zoren also, I’ve worked with him na rin before, he became my dad.
“But when me and Mavy were hanging out na, Mavy introduced me to them. And last December, they invited me to a Christmas dinner. They’re very welcoming. Mababait po sila. And Cassy (Mavy’s twin sister) also,” saad ni Ashley.
Matatandaang umugong ang balitang may something special na namamagitan kina Mavy and Ashley nang mag-post sila ng sweet photo together habang nasa Sinulog Festival sa Cebu kamakailan.