ni Erlinda Rapadas - @Teka Nga! | June 03, 2021
Lumulutang ngayon ang bali-balitang muling papasok sa political arena ang maybahay ni Sen. Manny Pacquiao na si Jinkee.
Kahit na nasabi na niya na never na siyang kakandidato uli nang mag-guest siya sa vlog ni Dra. Vicki Belo sa YouTube dahil na-trauma raw siya sa pulitika sanhi ng isang grabeng experience niya noong tumakbong vice-governor ng Saranggani, mukhang nagbago raw ang desisyon ni Jinkee at posibleng napakiusapan ng kanyang mister.
Si Jinkee ang balak na isabak upang tapatan ang mga Cayetano sa Taguig. At dahil popular sa social media platform si Jinkee, siguradong makakahakot siya ng boto kapag kumandidatong mayor ng Taguig.
Well, marami ang nag-aabang kung makukumbinse nga si Jinkee Pacquiao na muling pasukin ang political arena.
May ilang netizens ang nagpapayo naman na tulungan at asikasuhin na lang niya ang kandidatura ng kanyang mister na si Sen. Manny Pacquiao na tatakbo sa mas mataas na posisyon sa 2022 elections.
Hinihintay na ng sambayanan ang magiging pahayag ni Jinkee. Kakayanin pa kaya niya ang mga intrigang ibabato sa kanya?
Comentarios