ni Erlinda Rapadas @Teka Nga | October 27, 2023
Sa interview sa kanya ni Ogie Diaz, hindi pa rin nagbigay ng detalye si Alden Richards kung papaano siya nawalan/na-scam nang daan-daang milyon!
Hindi niya binanggit kung ano'ng negosyo ang kanyang sinosyohan dati. Puro pahapyaw lang ang kanyang pagbanggit sa kanyang naging karanasan sa scam.
Basta ang tanging nasabi lang ni Alden ay mahirap pala kapag wala kang alam sa bagay na pinasok mo. Pahayag pa niya, noon pang taong 2016 na panahon ng kainitan ng tambalan nilang ALDUB ni Maine Mendoza nag-umpisa ang sinasabi niyang pang-i-scam sa kanya. At umabot pa nga ngayong 2023.
Pero ngayon, nagising na siya sa ginawang panloloko sa kanya!
Well, maraming naipundar na negosyo si Alden Richards noong panahon na milyun-milyon ang kinikita niya sa kanyang mga endorsements. At nakapagpundar siya ng kanilang bahay sa isang malaking subdivision sa Sta. Rosa, Laguna. Nakabili rin siya ng pangarap niyang luxury cars atbp. mamahaling gamit.
Sobra-sobra ang suwerte at biyayang dumating sa kanyang buhay. 'Yun nga lang, hard lessons in life ang kanyang pinagdaanan.
Comments