ni Atty. Rodge Gutierrez @Mr. 1-Rider | July 11, 2024
Nagpahayag ang NLEX Corporation na pansamantalang isasara sa mga motorista ang bahagi ng Northbound at Southbound lane sa pagitan ng Balintawak Cloverleaf at Balintawak Toll Plaza sa Quezon City.
Sa kanilang anunsiyo, ipapatupad ang lane closures tuwing alas-10 ng gabi hanggang alas-5 ng umaga simula sa Hulyo 9 hanggang 16 ngayong taon.
Ito ay dahil umano sa isasagawang roadway lighting repair sa nasabing lugar na may 100 metro ang haba.
Kasabay nito, isasagawa rin ang gantry installation works sa bahagi ng Mapulang Lupa sa Valenzuela City sa Hulyo 9, gayundin sa Torres Bugallon bridge area, at pagkatapos ng NLEX Tabang Entry ramp.
Gagawin din ito tuwing alas-8 ng gabi hanggang alas-5 ng umaga hanggang matapos sa Hulyo 12, 2024.
Samantala, inanunsiyo naman ng Department of Public Works and Highways (DPWH) na bahagyang isasara ang bahagi ng Legarda flyover sa Manila mula Hulyo 6 hanggang Nobyembre 6 para ito ay kumpunihin.
Ayon sa DPWH kanilang papalitan ang 19 units ng nasirang expansion joints ng naturang flyover.
Ang mga expansion joints na patungong westbound lane papuntang Legarda ang mga uunahing aayusin.
At ang kalahati ng mga isasaayos ay ang kabilang linya naman, kasama na ang eastbound lane papuntang Magsaysay Boulevard.
Kaya pinapayuhan natin ang lahat ng motorista na maghanap na ng alternatibong ruta dahil sa inaasahang pagbibigat ng daloy ng trapiko sa mga panahong nabanggit.
Mabuting makaisip na agad ng mga maaaring madadaan para hindi na maabala pa sa pagpasok sa trabaho at maantala sa mga transaksyon.
SA MGA NAIS MAKIPAG-UGNAYAN, MAG-KOMENTO, MAGSUMBONG O MAGSAMPA NG REKLAMO AY MAAARING TUMAWAG SA SMART-09603043012 , GLOBE -09567289931 O MAG-EMAIL SA Mr1Rider@1riderpartylist.com O SUMULAT SA MR. 1-RIDER, BULGAR Bldg., 538 Quezon Ave., Quezon City, AT ASAHAN NINYONG AGAD KAMING TUTUGON.
Comments