ni Erlinda Rapadas @Teka Nga | Mar. 15, 2025
Photo: Moira Dela Torre - IG
Kalat na kalat ngayon sa social media at pinag-uusapan ng mga netizens na diumano’y inaayawan nang makasama ng mga singers sa A.S.A.P. si Moira dela Torre.
Bukod daw kasi sa feeling big star na ang singer, panay pa ang reklamo nito kapag konti lang ang kinakanta sa A.S.A.P..
May kakaibang attitude diumano si Moira na kinaiinisan ng mga kapwa niya singers. At maging ang Asia’s Songbird nga raw na si Regine Velasquez ay sinabihan din nitong magaling lang sa pagbirit pero matanda na kaya ayaw na niyang maka-collab.
May simpleng buwelta naman daw si Regine nang minsang magkasama sila ni Sam Milby sa A.S.A.P. at nagparinig itong “Hindi kami friends,” na diumano’y patungkol kay Moira na hindi na rin daw friend ngayon ni Sam.
Well, kapag nagpatuloy ang ganitong attitude ni Moira, tiyak na hindi na rin magtatagal ang ningning ng kanyang singing career. Unti-unti na rin siyang malalaos at posibleng hindi na kunin sa mga shows here and abroad.
Hindi mapapantayan ni Moira ang staying power nina Regine Velasquez, Sarah Geronimo, Sharon Cuneta, Pops Fernandez, Lani Misalucha, atbp..
MAY mga viewers na nakapansin na mukhang hindi raw nag-e-effort si Karylle na mag-ayos o mag-makeup kapag nasa It’s Showtime siya. Para lang daw kasing nasa bahay si Karylle kung pumorma.
Nasasapawan tuloy siya nina Anne Curtis, Kim Chiu, Bela Padilla at Amy Perez.
Aware kaya si Karylle sa comment na ito ng mga viewers ng IS?
Sey ng mga netizens, hindi naman kailangan na todo-makeup at super duper na maging fashionista si Karylle ‘pag nagho-host sa IS. At siguro naman ay may stylist ang IS na nag-a-assist sa mga female hosts ng show.
Puwede namang magpatulong si Karylle sa kanilang stylist. Medyo old-fashioned lang talaga si Karylle kumpara kina Anne, Kim at Bela. At siguro nga, mas komportable siya sa pagiging simple lang.
Gayunpaman, dahil isa siyang celebrity, ine-expect ng marami na pang-artista ang kanyang porma ‘pag lumalabas sa telebisyon.
NAGBABALIK-TELEBISYON si Kris Bernal at mapapanood siya sa isang two-part story ng programang Tadhana na eere na ngayon at sa susunod na Sabado.
Medyo nagpahinga lang sa kanyang career si Kris mula nang magpakasal at magkaroon ng anak. Inasikaso rin niya ang pagpapatayo ng kanilang mala-mansion na dream house.
Aminado si Kris Bernal na na-miss niya ang showbiz, kaya nagbabalik-acting siya ngayon.
May mga nagtatanong naman kung may kontrata pa ba si Kris sa GMA Network kaya siya nakabalik?
Well, hindi naman tuluyang nawala sa mainstream si Kris at magaling naman siyang umarte. Marami pa siyang fans na naghihintay sa kanyang pagbabalik.
May ilang nagsasabi na pagsamahin silang muli ni Aljur Abrenica na dati niyang ka-love team. Tiyak na marami ang magkakainteres na panoorin silang muli.
Samantala, may nag-comment naman na sana, pinaghandaan ni Kris ang kanyang pagbabalik sa harap ng kamera. Dapat ay may makikitang transformation sa kanyang hitsura at personalidad, ‘yung pang-leading lady ang porma.
Hindi raw bagay kay Kris ang long hair dahil nagmumukha siyang matanda at losyang. Dapat ay ‘pasabog’ at new look si Kris Bernal sa kanyang pagbabalik sa telebisyon.
HINDI na raw magiging choosy si Alessandra de Rossi sa mga projects na kanyang gagawin. Dati kasi ay seasonal lang kung lumabas siya sa pelikula. Halos dalawang movies lang ang tinatanggap niya sa isang taon.
Choosy din siya sa mga artistang gusto niyang makatrabaho sa isang TV o movie project.
Well, katwiran ni Alessandra ay kaya naman niyang mabuhay at mag-survive kahit hindi siya lagare sa paggawa ng pelikula. Simpleng buhay lang ang gusto niya, at wala siyang sinusuportahang pamilya, kaya can afford siyang tumanggi sa mga offers na hindi niya type ang istorya.
Pero mukhang nagbago na ang pananaw ngayon ni Alessandra. Sa isang reel na aming napanood, diretsahan niyang inamin na gusto niya ngayon ng maraming-maraming pera. Kailangan niya ng pera upang mamuhay nang komportable. At upang magkaroon siya ng maraming pera, kailangan ni Alessandra na kumayod at tumanggap ng maraming TV at movie projects.
Huwag na niyang pairalin ang pagiging choosy. Maraming baguhang artista ngayon na magaganda na ay magagaling pang umarte, baka mapag-iwanan na siya at makalimutan ng publiko kapag choosy siya.
Comments