FIRST WINNER SA SINGING SHOW NI MATTEO, NANDAYA RAW, PINALAGAN NG NETIZENS
ni Nitz Miralles - @Bida | August 5, 2020
May controversy sa result ng The Pop Stage Season 1 hosted by Matteo Guidicelli dahil inakusahan ang winner na kinopya ang musical arrangements ni Myke Salomon sa musical na Ang Huling El Bimbo. Si Matteo ang host ng show at isa siya sa mga kinakalampag ng mga netizens at ng theater people.
Bakit daw pumayag si Matteo na papanalunin ang contestant na hindi original ang material? Pati ang mga judges na sina Lani Misalucha at Jed Madela ay kinakalampag din ng mga netizens dahil hindi nasala ang winner.
Mukhang hindi solved ang mga netizens sa tweet ni Lani na tsine-check na nila ang tungkol dito at ang paniwala nila, kailangang bawiin ang pagkakapanalo ng winner at mas maganda pa nga kung idedemanda ito. Ayaw naming banggitin ang name ng winner dahil baka magkademandahan.
Hinihintay na ng mga netizens ang reaction ni Matteo sa isyung ito, lalo na at magkakaroon pa raw ng Season 2. Nag-congratulate pa naman si Matteo sa winner at sabi nito, “You deserved that win man,” dahil nanalo ng P1M at Viva contract.
Comments