Meralco employee, viral dahil sa pa-instant pictorial sa 2 bagets

ni Thea Janica Teh - @Bulgarific | October 1, 2020

Ikinatuwa ng lahat ang post ng isang netizen matapos nitong masaksihan na nagpakuha ng litrato sa Meralco employee ang dalawang bata.

Karaniwang nagdadala ng camera ang Meralco employee upang makuhanan ng litrato ang monthly usage ng bahay at makuha ang power meter. Ngunit, agaw-pansin na kinausap ng mga bagets ang employee at gustong malaman ang ginagawa nito.

Sa Facebook Post ni Krizzel Gatmin, makikita ang dalawang bata na nakikipag-usap sa Meralco employee. ‘Tila hanga ang dalawa at curious sa ginagawa ng employee, kaya naman matapos gawin ang trabaho nito ay agad na pinag-pose ang dalawa na parang may instant photoshoot.

Agad na kinagiliwan ng mga netizen ang post sa social media. Aniya, nakawawala ng stress dahil sa cuteness na dala ng mga bata at kay Meralco employee na nagbigay saya sa mga bata kahit sa simpleng pictorial.