Member ng LGBT tulad ni Klarisse… MICHELLE, UMAMING HIRAP NA HIRAP DING MAGPAKATOTOO NOON

ni Vinia Vivar @Frankly Speaking | Apr. 6, 2025

Photo: Michelle Dee - Instagram

Inspirasyon ang dala ng Kapuso beauty queen-actress na si Michelle Dee (MMD) sa mga housemates matapos niyang pumasok bilang house guest sa Bahay ni Kuya.

Isa sa mga naging highlight ng kanyang pagpasok ay ang pagsisimula ng task na konektado sa pagpapakatotoo ng housemates. 

Dito ay nagkaroon ng pagkakataon si Klarisse De Guzman na ilahad na siya ay parte ng LGBTQA+ community.

“‘Di na ako takot, wala na akong kinatatakutan. Ang saya lang po sa pakiramdam magpakatotoo,” pahayag ni Klarisse.

Naibahagi naman ni Michelle kay Kuya kung gaano siya naging proud sa ginawang pag-o-open up ni Klarisse.

“Napagdaanan ko rin po ‘yun, ang hirap ding magpakatotoo nang ganu’n dahil sa industriya kung nasaan tayo,” sey ni Michelle.

Samantala, pumasok na rin ang dalawa pang housemates na sina Emilio Daez at Vince Maristela. Ano kaya ang kuwento ng kanilang buhay at paano sila makikisama sa loob ng Bahay ni Kuya?

Abangan naman ngayong weekend ang mga susunod na nominado para sa linggong ito. Napapanood ang Pinoy Big Brother (PBB) Celebrity Collab Edition 10:00 PM Mon-Fri at 6:15 PM Sat-Sun sa GMA Prime.

---

Taob kay Anne na Best Dressed Lady of the Evening… GOWN NI IVANA SA ABS-CBN BALL, GALING PANG LONDON

Gabi ni Anne Curtis ang ABS-CBN Ball 2025 na ginanap last Friday night at the Solaire Resort North dahil siya ang hinirang na Metro’s Best Dressed Lady of the Evening.

Talaga namang nagningning si Anne sa kanyang custom Nicole + Felicia Couture gown in a powerful pink hue.

“Anne Curtis was an absolute stunner. Her gown was truly the standout look of the evening,” according to Metro Style.

Pumapangalawa kay Anne si Nadine Lustre na pak na pak din with her sculptural creation by Rajo Laurel inspired by the ocean.

Ang iba pang nasa Top 10 ay sina Janine Gutierrez in Mark Bumgarner gown, Fyang Smith in Russel Cordero, Maris Racal in an avant-garde gradient dress designed by Ehrran Montoya, Kai Montinola in Jot Losa, Iza Calzado, BINI in Michael Cinco, Shaina Magdayao in Neric Beltran, and Kim Chiu in Francis Libiran.

Si Piolo Pascual naman ang nanguna sa Metro’s Best Dressed Men. The actor was wearing a classic tuxedo in the perfect spring shade of green made by designer Paul Cabral.

Also in the list are James Reid in Vin Orias suit, Paulo Avelino in Joey Samson, Robbie Jaworski and Kobie Brown in Francis Libiran, Coco Martin, Donny Pangilinan, Hayden Kho, and Kyle Echarri.

Sina Coco Martin at Julia Montes naman ang pinarangalang Best Dressed Pair ng Metro Style Mag.

Julia Barretto in Helsa Studio and Gerald Anderson also made it to the Top 10’s Best

Dressed Pairs along with RK Bagatsing and Jane Oineza, James Reid and Issa Pressman, JM Ibarra and Fyang Smith, at sina KD Estrada and Alexa Ilacad.

Samantala, nag-standout din si Andrea Brillantes sa naturang event with her white suit na may pasilip sa side boobs.

Halata ring pinaghandaan ni Vice Ganda ang ball sa kanyang napaka-colorful outfit.

Winner na winner din si Ivana Alawi in her very daring and bold pink gown. Aniya sa isang panayam, ang gown niya ay gawa ng isang Greek designer na nakabase sa London at ibiniyahe pa ng Pilipinas para umabot sa event.