May show pa naman daw sa ABS-CBN… BAYANI, TANGGAP NA TSUGI NA ANG LOL NILA SA TV5

ni Beth Gelena @Bulgary Files | March 28, 2023

Nagsalita na ang isa sa mga hosts ng Tropang LOL na si Bayani Agbayani hinggil sa isyu ng kanilang programa.

Ayon kay Bayani, "Para sa akin, nakakahinayang dahil kahit sa maiksing panahon ng Tropang LOL, maayos naman ang rating namin. Pero siyempre, dapat din nating igalang ang desisyon ng network bilang employer, dahil ang employer pa rin talaga ang may say sa desisyon ng kanyang negosyo."

Ang reaksiyon ng TV host-comedian-actor ay pagkumpirma na rin na magtatapos na nga ang kanilang programang Tropang LOL.

Thankful naman si Bayani na naging parte siya ng noontime show ng TV5.

Grateful din siya na may offer pa rin na ibinibigay sa kanya ang dating home network na ABS-CBN.

Balik-I Can See Your Voice na ang komedyante bilang isa sa mga Singbestigators kasama sina Long Mejia, ang tatlong beki na sina MC, Lassy, Negi at si Angeline Quinto.

Magiging parte rin daw siya ng teleseryeng gagawin ng DonBell (Donny Pangilinan at Belle Mariano).

Kaya abangan natin 'to!