ni Nitz Miralles @Bida | October 02, 2023
Nagpapagawa pala ng bagong bahay si Pokwang na malapit nang matapos at may karapatan siyang i-flex ito dahil galing sa sikap, sipag, pagpupuyat at pagpapagod ang ipinagpapagawa niya sa bahay.
Ang caption nito sa ipinost na video ng under construction house ay “Konti na lang!!! Raket pa more, hahaha. #toGodbetheglory.”
Sa nag-congratulate sa kanya, ang sagot ni Pokwang, “Kahit pagod na ako minsan, ayoko talaga sumuko para sa mga anak ko.”
Ibinenta na pala ni Pokwang ang tinitirhan nilang bahay ngayon, last year pa raw at ibinebenta ang beach house niya sa Bataan, “Dahil ayoko ng may mantsa niya (meaning, her ex-partner) at bakas.”
May ipinapagawa rin yatang beach house sa Batangas si Pokwang at dito, wala na talagang bakas ni Lee O’ Brian.
At dahil sa sunud-sunod na projects, nakapagpagawa ng bagong bahay si Pokwang, nakabili ng property sa Batangas at patuloy na nabibigyan ng magandang buhay ang mga anak.
Nagpapasigla sa career ni Pokwang ang TictoClock sa GMA-7 at mga pelikula, kabilang ang Becky and Badette ng The Idea First Company na showing soon. Si Jun Lana ang director ng movie na bida rin si Eugene Domingo.
Comments