ni Mai Ancheta @News | August 3, 2023
Nagbigay ng libreng sakay ang Metro Rail Transit-3 (MRT-3) at Light Rail Transit Line 2 (LRT-2) para sa mga may kapansanan sa paningin simula Agosto 1-6, 2023.
Ayon kay Department of Transportation (DOTr) Assistant Secretary for Railways at MRT-3 Officer-in-Charge Jorjette Aquino, ang hakbang ay bilang pagkilala sa selebrasyon ng White Cane Safety Day.
Sinabi ng opisyal na isinaalang-alang nila ang kapakanan at karapatan ng mga visually impaired na mga pasahero upang masiguro ang komportableng serbisyo sa mga ito.
Kailangan lamang magpakita ng valid PWD ID sa security personnel ng mga istasyon ng MRT-3 at LRT-2 para sa libreng sakay, at libre rin ang isang kasama nito.
Comments