ni Nitz Miralles @Bida | October 07, 2023
![](https://static.wixstatic.com/media/bd1fd9_1236e37be7ae4a14a9ed5720119ef838~mv2.jpg/v1/fill/w_656,h_393,al_c,q_80,enc_auto/bd1fd9_1236e37be7ae4a14a9ed5720119ef838~mv2.jpg)
Nakakatuwa si Matteo Guidicelli sa isa nilang taping ng Black Rider, bumili ng lumpia sa isang street vendor at nagpakilalang si Ruru Madrid.
Naniwala naman ang tindera na siya nga si Ruru at tinawag pa ang ibang tindera para magpa-picture rin at naniwala silang si Ruru nga ang nasa harap nila.
May nakakilala kay Matteo, pero hindi siya sa kanyang pangalan tinawag kundi bilang “asawa ni Sarah Geronimo,” na in fairness kay Matteo, hindi na-offend.
Itinanggi lang nito na asawa siya ni Sarah, pero ang maganda, inilibre ng turon, lumpia at banana cue ang crew at staff ng action series.
Anyway, sa Black Rider, ipapakita rin ni Matteo ang husay sa action at car racing at ipinasilip pa ang drifting skills niya sa isang car chase scene.
Comments