Matagal nang pangarap ng aktor… ALDEN, BINIGYAN NG SCHOLARSHIP PARA MAGING PILOTO

ni Erlinda Rapadas @Teka Nga | Apr. 2, 2025

Photo: Alden Richards - IG

Ngayong nabuo na ang partnership ni Alden Richards at ng Viva Entertainment para sa iba’t ibang projects tulad ng movie, TV production, concerts, shows at food business, posibleng makapareha na niya si Anne Curtis na matagal nang pangarap ni Alden na makatrabaho. 

Nauna lang na tinapos ni Alden ang movie nila ni Julia Barretto, ang Pee Mak na Phil. adaptation ng highest grossing Thai horror movie na pinagbidahan noon ni Mario Maurer. 

May isa pa ring movie project si Alden na gagawin, ang Out of Order (OOO) na siya rin ang magdidirek.

Samantala, excited ngayon si Alden Richards dahil isang aviation school sa Clark, Pampanga ang nag-offer sa kanya ng scholarship para mag-aral mag-piloto. Pangarap din noon ni Alden ang maging piloto bago pa siya pumasok sa showbiz at dream din ito ng kanyang ama.

Pero, dahil may-edad na ang kanyang daddy, si Alden na lang ang magtutuloy ng pangarap nito.

Bagay naman kay Alden ang maging piloto, wala siyang “fear of heights”. Nang magbakasyon nga siya sa Dubai ay sinubukan niyang mag-skydive. 

Sa ngayon ay wala pang desisyon si Alden kung tatanggapin ang offer na scholarship ng aviation school sa Clark, Pampanga. Ipapaalam naman daw niya ito kapag final na ang lahat.

---

Madaling magtiwala sa lalaki…

SIGAW NI AI AI: ‘DI AKO TANGA, NAPUNTA LANG SA MALING TAO

MARAMI ang nagsasabing kaya laging heartbroken ang Comedy Queen na si Ai Ai delas Alas ay dahil ‘tanga’ siya pagdating sa pag-ibig.

Laging pinaiiral ni Ai Ai ang kanyang puso, hindi ang isip. Kaya madalas siyang nasasaktan at nabibigo sa larangan ng pag-ibig. 

Pero depensa ni Ai Ai, hindi siya tanga sa pag-ibig, napunta lang daw siya sa maling tao na kanyang minahal. Madali siyang magtiwala, at inakalang tutumbasan din ang pagmamahal na kanyang ibinigay. 

At kahit ilang beses na siyang nabigo sa pag-ibig, patuloy pa rin siyang magmamahal at magtitiwala. Katulad ng nangyari sa kanilang relasyon ni Gerald Sibayan na tumagal din ng 10 years. 

Buong akala ni Ai Ai, si Gerald na ang tamang lalaki na makakasama niya habambuhay. Akala ni Ai Ai, nang magpakasal sila ay “age doesn’t matter”. Pero malaking factor pala ‘yun upang magtagal ang pagsasama ng mag-asawa. 

Malaki ang agwat ng edad ni Ai Ai sa ex-husband na si Gerald Sibayan. Naghanap din ito ng mas bata kay Ai Ai upang mabigyan ng anak.

---

AYON kay Mommy Min Bernardo, dahil nasa tamang edad na si Kathryn Bernardo ay binigyan na niya ito ng kalayaan sa mga bagay na gusto nitong gawin. Tulad nga ng planong pagbukod ni Kath ng tirahan upang maging independent na. 

Pero, sa isang ina na tulad ni Mommy Min, hangga’t maaari sana ay gusto pa rin niyang kasama sa bahay si Kathryn. Naroroon pa rin ang pag-aalala kung maayos na nakakakain at nakakapagpahinga ang kanyang anak. Gusto pa rin ni Mommy Min na damayan at bigyan ng moral support si Kathryn kapag ito ay napapagod sa shooting. 

Well, marami ngang nabago at mababago kay Kathryn kapag namuhay siya nang solo. 

Ayon kay Mommy Min, minsan hindi na raw nagpapaalam sa kanya si Kath kapag may lakad. Malalaman na lang niya na paalis na ito at may pupuntahan at hindi na humihingi ng permiso sa kanya.

Well, siguro naman, ang desisyon ni Kathryn na pagbukod ay hindi pagrerebelde. Hindi naman siya gaanong pinagbabawalan ni Mommy Min sa kanyang love life. 

In fact, naging maluwag nga si Mommy Min noong magkarelasyon sina Kath at Daniel Padilla for 11 years. ‘Di hamak na mas masuwerte si Kathryn Bernardo kay Sarah Geronimo na bantay-sarado noon ni Mommy Divine sa mga manliligaw.