ni Beth Gelena @Bulgary| June 23, 2024
Viral ang video ng birthday message ni Andrea Brillantes para kay Kyle Echarri na nag-celebrate ng 21st birthday last June 20.
Isa ang young actress sa mga um-attend at nahingan ng mensahe para sa birthday celebrator.
Na-capture ito ng Nice Print Photography at ipinost sa Instagram (IG) ang speech ni Andrea.
Ani Blythe, “Happy birthday sa 'yo. Kilala na kita since Showtime. Sa mga hindi nakakaalam, isa sa mga first memory ko sa kanya ay sa It's Showtime. Magkalaban kami sa dance contest, inis na inis ako kasi s’ya ang nanalo. Pero mas maganda ang performance ko kasi mas dinibdib (sabay turo sa kanyang dibdib na ikinatawa ng mga bisita ni Kyle) ko ‘yun, dinibdib ko talaga ‘yun, pero mas ginawa ko naman ang best sa performance ko.
“But I’m so happy for you kung nasaan ka na ngayon. Alam ko, pinaghirapan mo ‘yan. I'm happy for you Mister Bida. Bida na kasi s’ya, eh. I’m always here, your friend. Happy birthday.”
Agad na nag-viral ang nasabing video.
Komento ng mga netizens, “Nakakakilig naman KyleDrea (Kyle at Andrea). Happy birthday, Kyle Echarri. Thank you @Niceprintphoto for sharing this video to us Kyledrea fans.”
Comments