ni Vinia Vivar @Frankly Speaking | June 14, 2023
Halatang close na close si Marjorie Barretto kay Gerald Anderson na as we all know ay boyfriend ng anak niyang si Julia Barretto.
Sa bagong vlog ni Marjorie ay kitang-kita ang closeness ng dalawa. Parang at home na at home na talaga si Gerald sa ina ni Julia.
Ipinagluto ni Marjorie si Gerald at habang kumakain sila ay nagkuwentuhan sila ng kulang-kulang isang oras. Marami silang napag-usapan at siyempre, isa na rito si Julia at ang relasyon nito sa aktor.
Sa isang bahagi ng video ay sinabi ni Marjorie na ang gusto niya sa relasyon ng dalawa ay hindi raw ito dramatic.
“Kayong dalawa, when you put the two of you together, hindi kayo dramatic. So, hindi kayo ‘yung away-bati, away-bati,” sey ni Marjorie kay Gerald.
Sagot naman ni Gerald, “Hindi, hindi, Tita. And sabi nila, that’s the worst investment in life, ha!
‘Yun ‘yung magiging best investment mo, ‘yung partner mo.”
Sey naman ni Marjorie, “Yeah, kasi it’s either ma-inspire ka or magulo lang ang buhay mo.”
Agree naman si Gerald. Aniya, “Kasi domino effect po ‘yan, eh. ‘Pag na-inspire ka, mas ganado ka na mag-ano because you know na mae-enjoy n’yo, ‘di ba?
“And she’s very ano, supportive naman siya. Supportive rin ako sa kanya. Kumbaga, alam namin kung ano ‘yung nagpapasaya sa isa’t isa.”
Dito naikuwento naman ni Marjorie ang pagtitiis ni Julia noong kasagsagan ng pandemic na hindi nito nakikita si Gerald.
“Grabe rin ‘yung naging patience ni Julia because si Ge yata ang artistang hindi nawalan ng trabaho nu’ng pandemic. Talagang sunud-sunod,” pagbabahagi ng ina ni Julia.
“Hindi ko ‘yun magagawa kundi siya supportive,” sabi naman ni Gerald.
Hirit naman ni Marjorie, “But it must have been hard for her. I mean, she was really lonely but he supported you.”
Pag-agree ng aktor, “Yeah, it was very hard.”
Ayon pa kay Marjorie, give and take ang dalawa dahil supportive rin naman si Gerald kay Julia.
“It is a mature relationship in other words,” sey ng nanay ni Julia.
“I really appreciate that you know, hindi kayo ma-drama at palaaway. Not many people know that about your relationship. I think you both are really quiet about it, but that’s my take on it. It’s not dramatic. It’s not stressful,” sey pa ni Marjorie.
Comments