ni Erlinda Rapadas @Teka Nga | Jan. 29, 2025
Photo: Barbie Forteza - IG
Ine-enjoy ng Kapuso actress na si Barbie Forteza ang kanyang journey sa ‘solo era’ niya ngayon. Naka-focus ang panahon niya para sa kanyang sariling kapakanan — self-love, self-growth, at self-care.
Sa mahigit sampung taon niya sa showbiz, ang kanyang pamilya ang binigyan ng prayoridad ni Barbie Forteza. Pangarap niya na bigyan ng magandang buhay ang kanyang parents at mga kapatid. Nakapagpatayo siya ng bahay para sa mga mahal niya sa buhay. Sulit na sulit ang pagod at puyat ni Barbie para makapagpundar ng sariling bahay.
Nagsisilbing inspirasyon kay Barbie ang kanyang pamilya upang patuloy siyang magsikap sa career. Masaya siya sa pagiging breadwinner. Ngayong loveless si Barbie at wala nang Jak Roberto sa buhay niya, pinapayuhan siya ng mga nagmamalasakit na kaibigan na bigyan ng panahon ang sariling kaligayahan. Panahon na rin na ang sarili naman niya ang pagmalasakitan ni Barbie.
Samantala, ang ‘solo era’ ni Barbie Forteza ay hindi nangangahulugan na kakawala na siya sa BarDa tandem nila ni David Licauco. May mga upcoming projects siyang gagawin at posibleng ipareha siya sa ibang Kapuso actors.
Nagsama sa 12 movies…
VILMA, ‘DI NAKAKALIMUTANG BATIIN NI GLORIA ROMERO TUWING B-DAY
Hindi maiwasan ng Star for All Seasons na si Vilma Santos ang maging emosyonal nang dumalaw sa wake ng yumaong veteran actress-Movie Queen na si Gloria Romero.
Marami siyang happy memories kay Tita Glo dahil nakatrabaho niya ito sa 12 pelikulang kanilang ginawa, kasama na rito ang life story ng pamilyang Marcos na Iginuhit ng Tadhana: The Ferdinand E. Marcos Story.
Si Gloria Romero ang gumanap bilang Madam Imelda Marcos, habang si Vilma naman ang gumanap na Imee Marcos.
Para kay Ate Vi, ang yumaong si Gloria Romero ang maituturing na “queenest” sa lahat ng movie queens sa showbiz.
Hindi rin nakakalimutan ni Gloria na batiin si Vilma Santos tuwing kaarawan ng huli dahil ka-birthday ng Star for All Seasons ang anak ni Tita Glo na si Maritess Gutierrez.
Para kay Vilma, isang malaking kawalan sa movie industry ang pagpanaw ng isang Gloria Romero na mahigit pitong dekada nang bahagi ng showbiz. Nagsimula ang kanyang career sa Sampaguita Pictures at nakapareha na niya halos lahat ng mga sikat na aktor noong 1950s, 1960s, at 1970s era.
Maraming nagmamahal sa isang Gloria Romero.
Kagabi ang huling lamay ng Movie Queen sa Arlington Chapels sa Araneta Avenue, QC at ngayong Miyerkules siya ike-cremate.
PUMASOK na rin sa political arena ang beautiful wife ni Sen. Jinggoy Estrada na si Precy Vitug-Ejercito via BFF Partylist. Si Precy ang first nominee ng BFF (Balikatan of Filipino Families).
Deserve naman ni Precy ang maging public servant. Tulad ni Congw. Lani Mercado, ma-PR ang misis ni Sen. Jinggoy at malapit sa masa.
Kahit wala siyang katungkulan, marami ang lumalapit sa kanya at humihingi ng tulong at medical assistance. Kapag may sunog at kalamidad, marami silang tinutulungan.
Nang makita namin si Precy Vitug sa burol ni Gloria Romero, natanong namin kung bakit ngayon lang siya papasok sa pulitika. Dapat ay matagal na siyang nagkaroon ng puwesto dahil marami na siyang natulungan.
Pero sabi nga ni Madam Precy V., baka ‘calling’ na rin niya at dumating na ang oportunidad sa tamang panahon.
Kung si Congw. Lani Mercado ay maituturing na lucky charm at asset ni Sen. Bong Revilla, Jr., ganoon din si Precy Vitug para kay Sen. Jinggoy Estrada.
Comments