ni Julie Bonifacio @Winner | August 22, 2024
Ibinalita ni Divine Diva Zsa Zsa Padilla sa kanyang Instagram (IG) na naging matagumpay ang isinagawang operasyon sa kanya sa Singapore kamakailan.
Bago ang kanyang operasyon, may ipinost din si Zsa Zsa sa kanyang IG na larawan nila ng kanyang live-in partner at sikat na architect na si Conrad Onglao sa loob ng sinakyan nilang eroplano papuntang Singapore.
Sobrang na-happy si Zsa Zsa na sinamahan siya ni Conrad sa Singapore para magpaopera kaysa mag-celebrate ng kanyang birthday, at sa kabila ng kanyang busy schedule.
Nasilip din namin ang IG ng manugang ni Zsa Zsa, ang mister ni Karylle na si Yael Yuzon, na papunta rin ng Singapore.
Kamakailan lang ay pumanaw ang ama ni Karylle, si Dr. Modesto Tatlonghari. Si Karylle ang nag-iisang anak nina Zsa Zsa at Dr. Tatlonghari.
Sa caption ng latest IG post ni Zsa Zsa, pinasalamatan niya ang mga nagpadala ng mensahe sa kanya at nagdasal para sa mabilis niyang paggaling.
“This was taken a few minutes ago after the clinic took out my catheter. My doctor asked if I was taking collagen ‘coz I healed pretty well. I take a lot of supplements! Everyone seems amazed how I was walking the day after the surgery. My stomach is filled with battle scars (so is my back), but hey, happy to be around and wish to be around for many more years.
"BTW, my Dr. told me the procedure done was ROBOTIC LEFT URETERIC REIMPLANTATION & INSERTION OF LEFT DJ STENT. I don’t have a rare kidney disease — read it somewhere — so it’s not true. I was just born structurally different. Will be back in Singapore at the end of September to have my DJ Stent removed. Then I can go back to moving normally—playing badminton and performing on stage. Take care! Love and light.”
Nag-comment si Karylle sa IG post ni Zsa Zsa, “Big thanks to your doctors, nurses, hospital staff, everyone who prayed and shared kind messages, and Tito Conrad, salamat #boleh. That smile! TYL!”
Anyway, ngayong biyuda (legally) na si Zsa Zsa, ‘di na siguro siya mahihirapan pa kapag nakapagdesisyon siyang magpakasal ulit. This time, sa current partner niya na si Conrad (kung walang legal impediment din sa previous marriage nito).
Noong nabubuhay pa ang dating live-in partner ni Zsa Zsa na si Comedy King Dolphy, may balitang lumabas na kahit gusto siyang pakasalan ng komedyante, ‘di naman uubra. Hindi raw kasi nakikipag-cooperate ang yumaong ama ni Karylle na ma-annul ang kasal nila ni Zsa Zsa.
Hanggang sa namatay ang King of Comedy at nagkaroon na ng bagong partner si Zsa Zsa. And now, tila nagkaroon ng “divine intervention” para tuluyan nang magkaroon ng freedom si Divine Diva, legally.
Let’s just see if she’s still interested in getting married again pagkatapos ng matagal na panahon ng paghihintay niya.
MAGKAKAROON ng free film appreciation workshop para sa mga estudyante ng Centro Escolar University (CEU).
Gaganapin ang Free Film Appreciation Workshop ni Direk Brillante Mendoza sa CEU Auditorium ngayong araw, Huwebes, August 22 at 10 AM.
Welcome ang mga walk-ins and non-CEU students sa FFAW ni Direk Brillante. Agahan lang ang pagpunta dahil maaga ang simula.
Ang libreng Film Appreciation Workshop ay bahagi ng Sinag Maynila 2024 na magsisimula sa Setyembre 4-8.
Speaking of Sinag Maynila, pawang magaganda at naglalakihan ‘di lang ang kuwento kundi pati ang mga artistang may movie entry sa kilalang local filmfest.
Ang mga kasali sa kompetisyon ng 2024 Sinag Maynila ay ang What You Did?, Talahib, Banjo, Her Locket, The Gospel of the Beast, Salome, at Maple Leaf Dreams.
Comments