ni Beth Gelena - @Bulgary Files | June 14, 2021
Napanood namin ang vlog ni Zsa Zsa Padilla kung saan ang bagong in-upload niya sa kanyang Buhay ProbinZsa YouTube channel ay ang pagdalaw niya sa napakalawak na lupain ng lovey niyang si Tito Dolphy (RIP) sa Calatagan, Batangas.
Kasama niya sa tripping ang anak nila ni Comedy King na si Zia at ang isa pang anak ni Tito Dolphy na si Epi Quizon.
Ayon sa Divine Diva, matagal na raw nilang nabili ni Tito Dolphy ang nasabing lote.
Aniya, “Parang eight or ten years na ang aming relasyon, ganyan.”
Ang value raw ng lupang nabili nila noon ay sobrang layo na kumpara sa halaga nito ngayon na doble o triple na.
Tinawag na DolphyVille Estate ang lupaing nabili nila sa Calatagan.
Sambit pa ng batikang singer, doon daw itatayo ang museum ng Comedy King.
Pagkokorek naman ni Epi, tatawagin daw na Dolphy Manor ang lugar dahil ang whole estate ay close to 14 hectares at magkakaroon daw ang whole Quizon family ng mango farm at ang iba naman ay iko-convert to Quizon residential sa tulong daw ng Exceed Realty.
Lalagyan din daw nila ng resort type na may swimming pool at mausoleum kung saan doon naman ilalagay ang mga personal things na ginagamit ni Tito Dolphy noon sa kanyang mga pelikula at maging ang mga kotse nito.
May part din daw ng residential complex.
Anila, 90 percent nang gawa ang mga road which is ipapangalan daw nila ang mga kalye sa naging character ni Tito Dolphy noon.
Sabi ni Epi, dapat ay sa pangalan ng mga anak ng kanilang ama, pero mukhang kukulangin daw ang kalye kaya napagkasunduan nilang sa mga naging characters na lang ng Comedy King.
Pero ang pinaka-main road, papangalanan nilang Dolphy Street.
Sabi ni Zsa Zsa, sa mga interesadong kumuha ng lote ay tawagan lang ang DolphyVille Estates Batangas.
Sey pa ni Zsa Zsa, patapos na ang project niya sa Lucban, Quezon kaya after daw doon ay tututukan naman niya ang DolphyVille.
Ang tinutukoy na project ni Zsa Zsa ay ang Casa Esperanza at ang ancestral house na ipinagagawa nila ng kanyang partner na si Architect Conrad Onglao.
Si Arch. Conrad ang pumalit sa puso ni Zsa Zsa after na pumanaw ang Comedy King.
In fairness, ilang taon din bago muling nagmahal ang Divine Diva.
Pero, kahit may bago na siyang partner, hindi pa rin niya nakakalimutan ang kanyang lovey dovey na si Tito Dolphy.
Ang dami ring pumuri sa Divine Diva sa magandang relasyon niya sa Quizon family hanggang ngayon.
Sey pa ng mga netizens, “Bilib ako sa relationship niya with the Quizons kahit na may Onglao na siya.”
“Mature kasi ang mga isip nila kaya hindi big deal ‘yan.”
“I remember Dolphy left 600 million worth of properties, nasa news ‘yan, in-auction nila.”
Commenti