ni Reggee Bonoan @Sheet Matters | Oct. 25, 2024
Photo: Melai Cantiveros - Francisco / Instagram
Isa rin si Melai Cantiveros sa mga nag-renew ng kontrata sa ABS-CBN.
Tulad ni Sam Milby, nadiskubre rin si Melai bilang Big Winner ng Pinoy Big Brother (PBB) Double Up noong 2015.
Say ni Melai, ni minsan ay hindi niya naisip lumipat kaya hanggang gusto siya ng Kapamilya Network ay forever niya itong pagsisilbihan.
“Kung hindi na ako ire-renew, babalik na lang ako ng GenSan (General Santos City),” diin ng TV host-comedienne.
As of now ay may Bisaya online talk show si Melai na Kuan On One (KOO) at base sa napapanood naming teaser ay nakakatawa ito, as in.
Loyal talaga si Sam Milby sa ABS-CBN na nakadiskubre sa kanya via Pinoy Big Brother (PBB) Season 1 dahil muli siyang pumirma ng bagong kontrata sa nasabing network.
Ang katwiran ni Sam, “I wouldn’t be where I am kung ‘di dahil sa guidance ng mga managements ko and I wanna give a big thank you because I think these people don’t get enough credit, ‘yung mga tao na bumubuo sa mga projects, the production.
“They are working so hard, they are the first to get there, the last to leave, they need more credit and I just want to thank you guys for working so hard because I’ve made so many TV shows and movies kahit sa music.
“And I’m just so thankful for all the hard work na ginagawa ng lahat ng tao. To my directors, of course, and my co-actors, maraming-maraming salamat, I’m so excited to still be here, a forever Kapamilya.”
Ang huling serye ni Sam ay ang A Family Affair at kasalukuyang nagte-taping ng Philippine adaptation ng international series na Saving Grace kasama sina Julia Montes, Janice de Belen at Sharon Cuneta mula sa direksiyon nina Dolly Dulu at FM Reyes.
TRENDING ang teaser ng Uninvited nina Vilma Santos, Aga Muhlach at Nadine Lustre mula sa direksiyon ni Dan Villegas at isinulat ni Dodo Dayao.
Suspense-drama-thriller ang genre ng Uninvited na kaabang-abang kung ano'ng ibig sabihin ng nakalagay sa poster na “HINDI LANG ‘TO BASTA PARTY.”
Kilala naman ang Mentorque Productions headed by president at CEO na si Bryan Diamante sa maraming pa-surprise tulad ng una niyang solo produced na Mallari ni Piolo Pascual na entry noong 2023 sa MMFF.
Kasama rin sa pelikula sina Tirso Cruz III, Mylene Dizon, Elijah Canlas, Gabby Padilla, RK Bagatsing, Lotlot De Leon, Ketchup Eusebio, Cholo Barretto, Gio Alvarez at Ron Angeles.
Kuwento ni Bryan nang makatsikahan ng ilang miyembro ng media sa nakaraang MMFF announcement, “Chilling, mysterious, and full of tension. Viewers are transported to an opulent mansion where a billionaire’s lavish birthday celebration spirals into a night of socialite intrigues, buried secrets, and shocking revelations.”
Sabi nga ng karamihan ay bardagulan ang acting nina Ate Vi, Nadine plus Aga pa, at malalaman pa ang malaking pasabog sa nalalapit na launching nito soon.
Sina Reign De Guzman, Omar Sortijas, at Catsi Catalan naman ang supervising producers, habang ang blockbuster director naman na sina Antoinette Jadaone at Irene Villamor ang creative producers.
Ang Uninvited ay produced ng Mentorque Productions at Project 8 Projects at released ng Warner Bros.
Comments