LOVI, GAME NANG MAGKA-ANAK

ni Reggee Bonoan @Sheet Matters | May 23, 2024

File photo: Lovi Poe / IG

Handa naman palang magkaroon na ng anak si Lovi Poe sa asawang si Montgomery ‘Monty’ Blencowe kung ipagkakaloob ng Diyos.

Bagama’t inamin niyang marami siyang projects na nakatakdang gawin.

“If it happens, I will welcome kids and it would be amazing. But right now, I’m enjoying this part of my life, working and of course, I want to spend more time with my husband since we are always apart. And lilipad naman siya rito next week for work and let’s see how it goes,” pahayag ni Lovi.

Nabanggit din ng aktres na kung sakaling gaganap siyang ina sa isang project ay dito siya mahihirapan at very challenging ito lalo’t perfectionist siya sa lahat ng karakter na ginagampanan niya lalo pa siguro ang pagiging nanay.

“If there’s one thing I would like to do perfectly is to be a good mother, I even called my friends and asked them on how to be a mom or example, as when I see my mom (Rowena Moran), how she treats me. I was raised by a single mother, I hope I can be as good as her, I hope I can be as good as my assistants, my RM (road manager), they’re such great mothers. Tapos, they can take care of me as well when it comes to work, so, ‘yun ang mga iniisip ko,” saad ng aktres.

Nabanggit na rin ni Lovi ang tungkol sa asawa niya na sa susunod na linggo ay pauwi ng Pilipinas mula sa Los Angeles, USA kung saan ito nakabase dahil magsisimula na silang mag-shoot ng pelikulang ididirek ni Jerrold Tarog na silang mag-asawa ang producer. 

At ngayong may asawa na si Lovi at kahit supportive pa sa kanyang career  si Monty ay may conscious effort na sa parte ng aktres na gumawa ng paraan para magkita sila.

Natanong ang CEO ng SCD o Skin Care Depot na si Ms. Gracee M. Angeles kung nakalagay ba sa kontrata ni Lovi ang pregnancy clause sa renewal ng kontrata niya bilang endorser sa ikalawang taon.

Say ni Ms. Gracee, “Ay, wala naman, we are supporting Lovi whatever she wants kasi ang beauty producs ng SCD ay may pambuntis naman din.”

Samantala, nagpapasalamat si Lovi dahil muli siyang pinagkatiwalaan ni Ms. Gracee bilang mukha ng Skin Care Depot sa ikalawang taon.

Aniya,  “I’m just so happy to be part of this family and thank you so much for having me.”